The Monastery of Tallaght

Author: unknown

Editors: E. J. Gwynn & W. J. Purton

An electronic edition

view the header | view the translation | view MS 3 B 23 on ISOS

---

p. 127.

(MS p. 33a)

1. Athlaoch bói hi comaidecht
meic bethad. asbert ‘niconfeddur cid fil
do sirgabail na bíaide & cantaci maire
(.i. magnificat).’ ‘Ní handsai ém’ ol
[5] sessomh ‘.i. Fer indorsa fri bun cruche
ind molad ocus ind nemeli noferfad
frisind rig immo saorad. is foion
iondas sin fermaidni nemeli fri rig nime
isind bíaid immo ar sáorad. IMarchide
[10] iarom dano andíol dichoid de muldach
muire ingini iar compert din spirad
naob la tascc ind aingil .i. la haithisc
Cethe cathbarr nogabtha forsind cetul
hi fil molad dé & nemeli fris’

2. [15] Indtí tra dotháod día accaldim
som ni fogni laisim fachmarc scel dóíb
acht atorbai frisa tíagad ambain.
Fobíthin fobenad & doairmescad menmain
iond caich día naisnedtar. Manip lór

---

p. 128.

dano reim iond áosa coimsi bess isind
eclais imbé & maescai cách deit cena
cosc. Focheird deit chubus ammain
la slemni & roithini ma dagnet ní airi
[5] is fó IS dech allecud ammain manini
aithriged

3. A forbí tra dano for lortaid na
muindtire bís id choimidecht. ised is
choir laissom di thabairt donda bochtaib
[10] ar nistá leó leth docoiset do chuincid
neich. acht is dual duitsiu cena narrabae
let sentaisc de dia de na mbocht
de chrochaib saildi & di rusccaib imme
& reliqua

4. IARfacht maoldithruib do helair locha cre tiri daglais
[15] manipad lor reim iond aosa i senchellaib
dús ind gebad ní do thorad ionda cildi
huadaib. (MS p.  33b) ISsed asbert helair a
airidiu. ‘arnit corpsiu manibe cuid deid
inda gabail nó inda fostud isna hordaib.
[20] arced coirpti sium’ olsessim ‘ni corpat
torud ind erlamai. Ar is disliu he
dúini’ olsessem ‘inddas doibsim.’ IS se
arán dobeirti dosom fadesin cid ina insi
fadessin amáin arán ruis cree. ‘aran
[25] mochue’ olsesim (.i. elair) ‘ba hé dobertar
dúin’

5. Sailm aurnaichti & biait fogníad
madin la sochuidi acht ni madin gabta
som ar antan dognisom (.i. elair)
[30] figild matin is fri ní dona salmaib
dognid a figild dáig cudnuda na salm

---

p. 129.

fobithin iond forcetail & ind crosfigeild
fri biad cond neoch noduslen. Nongebad
matin iar ceilebrad . . . anigi (?) is
ann gabtais figill dogen . . . Iond
[5] sailm aurnaigi déulái is fri bíaid i
curp lai dusgnidsom & gaibid a salmu
aurnaigti iarum oc celebrad Gaibti
seom tra teora biadi & magnificat la cach
naí post palmos biad cech cáocad. Achd
[10] ni maolrúoin imargu asrubart frissim
ón. Asrubartsai fri máolruain. ‘Rocualai’
olsessem ‘is hi figild fogní la
duiblitir. Na tri .l. inda sesam & slechdain
hi forciund cech sailm’

6. [15] Niconesbed bandai cormmai hi
tamlachdai i mbethu maolrúoin cid a
muindtersom indtan noteigdis nach leth
aili niconibdis bandai cormmai i tír
cualand cía bith ara tecmainged dóib
[20] Nochomairleictea immargu doib indtan
noteigdis i céin cena lústis (.i. ebtais)
hisudiu. Nicodoes mír feolai dano
hi tamlachdai inda bethusom . . . . . mad
oss no muc allaid. no . . . (MS p.  34a) oigid
[25] ánanobid and de feol. Dolluid iarum
duiblitir dochum maolrúoin do urail
fair combed tuaslucud do muindtir ar
na tri soldomnaib. cenibed iarum na
riam IS sed asbert maolrúoin. ‘cene
[30] conmesarsa’ olseseom ‘& céne connoither
mo thimnasa insin purtsa. níconibthar
lind dermait dé and.’ ‘Maith’ ol duiblitir
‘ibthi mo muindtersa & bíad ind nim
láad muindtirsiu.’ ‘Nach oen’ ol maolrúoin
[35] ‘contuasfe frimsai. accus forcomedar
mo riaguil de muindtir nípa hécen tene
bratha dia nglanad nó hadall messai

---

p. 130.

dóib dáig bed glana chenai. Bes biaid
immurgo láad muindtirisiu ní nodglanai
tene brathai’

7. Bói alaili espscop dandéis i findglais
[5] caoncomrac a ainm is hesim ba
hanmcharai do dublitir. Doloddursom
láa inddís asind gurt riasna brathrib tarsa
ceim isind faichti Bui alaili caildech
doim oc ernaide duiblittri isind faichti.
[10] Do guide dosom conatallad hillis callech
Tromde iarum robúi frisim ind chaillech
oc atach dé co mór ‘Colláa thais tra’ ol
sesem ‘forraib ammarthan do gnuis.’
Lasodoin fochedoir slechtais caoncomracc
[15] dochum láir ‘Cid so’ ol duiblitir
hé. ‘is gniom mór forrórpart’ cáonchomrac
‘caoiniud na tróge.’ Slechdaissom
iarom statim. ‘Do riarsu ind ém’
ol duiblitir (MS p. 34b) ‘ISsí mo riarsa’ ol
[20] caonchomrac ‘a dulsi isind les caillech
& lulgach & dechelt do thabhairt di.
Rochrúfemne immurgu ifus ind pennit
bes chóir fortsu’ ‘bed cet’ ol dublittir.

8. Canith tra maoldithruib etir cach [dá]
[25] salm deni trib cáochad Sancte michaol ora
pro nobis. Sancta maria ora pro nobis.
acus ind náob asa feil bís for ind láo.
O roscithet celebrad iarmergi is and
canith maoldithruib Celebra iuda &

---

p. 131.

cantemus & auis aue & reliqua & ymnum
dicat iarum i crosfigeill son. Biad
iarmergi iarum & magnificat lee. Bíad
prainddigi immurgu canir magnificat &
[5] ymnum & unitas Lasuidi & ego uero
orationem & reliqua Canir dano biad fri
aitherruch aidchi lúoin Cantir dano
salm aurnaigti aidci ndomnaich & aidchi
lúoin im espartan. Fogní dano ailli
[10] mési & altugud laissom aidchi lúoin.
ISsed canir leisim fochetoir iar praind
auis aue for lex inda diaid oróit
Columbai sancte súme nos in gremio.
caritatis tutela tuæ sit nobis inda
[15] diadsin A stefan dommairi sén lat cend
mo cridi ar chuidachaib báis a breó
náob sáor teglach mo trebi. nipá pene
na régi & reliqua send iarum.

9. Nech loingis ríasind trath cóir
[20] troscud ind nó bith for usciu ocus &
bargin ind aidchi dara heisi.

10. Niconromolastar máolrúoin dano
cotsechd fri sceola. Cornan alaili cuislendach
robói ind deisciurt lagen os hé
[25] anchore. Cornan glindi (.i. esa) leosom
fer corrath. Doberdis audpartai dosom o
máolrúoin illi dixit ailiquando contra
falmilam maoiliruoin (MS p. 35a) ‘Ingé ropad
limsa’ ol sésim ‘adpand do seinm don
[30] cleiriuch.’ ISsed iarum asrubart maolrúoin
‘aprit si fri cornan Na cluasasa
nicontairbertar fri ceolu talman co
tairbertar fri ceolai nime’

11. [35] Áos aithrigi tra indí chetamus

---

p. 132.

bíte fri tnúith & adellad ilsétchi &
duamberar cland .uii. bliadna dóib oc
pendaind INdhí dano doeismet fuili &
marbthai duine .uii. mbliadna doib ind
[5] dúrpendid

12. ISsed rochualai laisim cid indhí
nad coadet feoil dogres dogníad pars
isind chaisc de feoil fre terci & gorti
do tecmung isind bliadain. ISsed
[10] rochualai laisim. ISed fogníd i tír da
glas indtan rombúi ind riaguil and.
asenad uli amail notreigtis addurtaig
medón láoi dia caisc dochum na chuchdiri
dóib fochetoir co ndenad cách díob and
[15] pars de feoil fri foimtin terci no bochde
in ando ar mani thuaslaicea isind chaisc
nipo assa doib iarum cosin caiscc naili
post andum

13. Luss bongar ind domnuch nó
[20] braisech nó arán fonither nó mérai nó
cnoi bongar dia domnaich ní fogní
leisim a cathim na ráod sin nach lasna
firclerchiu.

14. indtí do áos tuatha (no e) arfaom
[25] anmcairdini a chongbail dó ab uxore
sua in his tribus noctibus .i. aidchi
dardáoin aidchi sathairn & aidchi ndomnaich.
Cid aidchi lúoin ma dorona
Accus indtan mbís galar míostai for
[30] bandscal dlegar do neuch a chongmail
uadi iar nanmchardini petir ind libris clementis

15. Epscuip dano & dúini sruithi
doberad súiri figli is coir (MS p. 35b) a denam
[35] airriu. ma beith láa sechdair corgus &

---

p. 133.

ma beith féil sruith. Manip illocthiu
choir condesar int súiri figli. Cé att
maither hí fíad chách dogní nech inda
chubacuil iarum Nicon choir etir laisim
[5] do nach cleriuch Tuaslucud neich
roortigsetar sruithi

16. IArmoracht maoldíthruib do
máolrúoin dus imbad lór cáocai do gabail
ma thecmaised forcetal indarrad. Asrubart
[10] máolrúoin nibu móo dan lais
arrobúi isind tsaltir nuli. ‘IS hí immurco
foropir cáich lindi indsin. Fer
immurgu indorsa na serre & na susti & na
forchae & ind claid. issi foropair caich
[15] díob na trí cáoca. Ni théid do méis’ ol
sesem ‘nech díob co roglea dó a foropoir
indhí sin’

17. ISsed rochualai máolrúoin la
sruthi di dérgu ind tíri is diultach
[20] pattraic ind nim & inda hirsi ind erind
nach oen déraich a tír acht is airthiur
inda iarthur & asa tuaisciurt inda
deiscert.

18. Ní fil ní dogné dune dar cend
[25] indtí adbail nad cobair dó etir figill
& abstanit & gabail necnairci & almsanæ
& bendachtæ menci Bliadain lán dano
do moedoc a muindtir uli for usciu &
bargin ar tuaslucud anmæ brandaib
[30] maic echach filii pro mortuis parentibus
debent poénitere. & cetera.

---

p. 134.

19. INgen ind rig isna tirib thair
adodpart ferand do fursu IS hed
asbertsi fri fursu. ‘Céta indas fir’ ol
sisi. ‘Cumme’ olsesim ‘& sengobi cona
[5] indeuin fora muin.’ ‘Indeuin crábid’ ol
sisi. ‘Fos oc etli’ olsesim (MS p. 36a) ‘Cesc
acus ma doberad dia deid cepp i clandta
do indeuin ind ainfedea oca’ ‘Ba dóig
ém’ olsesim. IS iarum adopartsi dó
[10] ind maigin imbui.

20. ISsed is choir lais dano inda
sacairt doellad ceith dichrai a ndaithrigi
arna tiagsad fo graid nepscuip. Ar is hé
gland leusom tairmtechdaich ind graid
[15] sacaird dul fo grad nepcoip.

21. ISsed dano as maith laisim indtí
dogní ní do maith fria menmain fadesin
ariondgelda & arindbó neoch gabti.
Fobithin ní mór tolnathar di día ind
[20] digní neuch fria menmain fadesin IS
sed asbert mocolmócc ua lítan do bith
fúr iond rétai sin Dolluid alaili túati
do frecmurc anmchardi dosom. ‘Cindas
ám’ ol mocholmóc ‘do reimisiu ind hí
[25] lanamnus atái béus’ ‘Niconed’ olsesim.
‘attaad teora bliadna and. Niconcomracamar
díoblíonaib’ ‘Cesc ind derbgelsid’
ol mocholmocc ‘Nató’ .l sesom Tunc dixit
mocholmocc. ‘Ba rofattai ind re sin do
[30] scarad fri diabul & do nephtuidechd co
dia. Ar is and dotháod som im muindterus
ndé intan asindgeldai.’

---

p. 135.

22. Feil sruith docuiridar echdar
corgus for sathurn amail chaindech
indorsai. Atcondaircsom ind figeill na
nóine hi sathurn do dílgud i tamlacti
[5] do chaindech Nifacai immurgo máoldíthruib
túaslucud for selind nimbe.
La muindtir máolrúoin hisind aidchi
domnuich arái na feli caindich.
IMbom(MS p. 36b)mannaib arberad bith ind
[10] lítain a cuid uli

23. IS lór la fairind im chaingin
ind anmchairdini ma doradad a coibsin
namá cenis pendid iarum ní moladar
som sin. IS maith immurgo lais do
[15] neuch doinchoisc a ldessai dóib cení
frecmairc coibsina Issed dorigni helair
indroet som sochaidi hi tús roslá úad
uli fo deoig. Fobith adcondairc narbo
díchrai ind pendaid leú & nombith
[20] forcleith leo dano for tabairt a coibsen.
Nicon arroet iarum duine etir asenath
do anmchairdiu. Arfoemad immurgu
aithcomarc neich dond áos fuirbti.

24. Ceth máolruoin nipo calad
[25] arnadafuimed asendad Nirbo mór
accubar laisim ceth airitu maoilidíthraib.
IS sed asbertsom didiu ‘ind
raibi athcomarc lat iar do chúl ria
tudechd húc.’ ‘Tó’ ol máoldithruib
[30] ‘Ceth ind táos dánae’ ol máolrúin ‘in

---

p. 136.

gobuid ind tsáoir & reliqui ní maith
lá cách díob a fer muindtiri do daul
connech hailé.’ ‘Fotroich lethsú’ ol máoldithruib
‘Tuccusæ lictiguth & comarleccud’
[5] IS iarum slechtois som fo reir máolrúoin
Tunc dixit maolrúoin. ‘Bliadain
aithglantae lindi’ olsesim. ‘Do trib
cethorchait aidci ammain for usciu &
bargin acht loim nais ind domnaichib’
[10] & comarlecud dó lom di midc do
chumusc ar usci hisind tsamcorgus
nammæ Fo anmchairdini ectguidi
dano robúisom cosin anald ISsed dano
asrubart maolroin frissim ‘intan tra
[15] rocloither imtecht duini olsesim tene
bas andsom lat dod loscud bat cuici tési’

25. (p. 37a) Adbert maoldíthruib fri
máolrúin ‘robadar cethtri cridiscél liomsæ
[20] de chianaib. Ropa cridiscél dam
cedamus a tanic do néblégund a tír do
legund & do chor súlæ taris. Ropo
cridiscél dam dano tech sruithi bet
fuirbthium hisind tír co mbeim oca
[25] timtirecht na sruithi sin oc tuildem a
mbendachtan. Acus cororosind mo shaith
for tacaldaimsiu acus co toroildind
bendachtain do muindtirisiu huli etir
indní díob adgladmis & nad nacaldmis
[30] díob.’ ‘Atbert ar sruithi friindi fer da
crich de bithúr ind rédæ sin’ ol
máolruin. ‘Ernitir dona macaib bethad
na cridi scelæ maithi conescomriter doib
a fochrici amail forfertis a cridiscelæ
[35] nahí sin.’

---

p. 137.

26. Iarmoracht iarom maoldithruib
dosom dús imbat imarcidi laissim fíach
naidci lúoin do tabairt isind sathurn
‘fobíthin’ ol máoldíthruib ‘is becc rand
[5] áos túate & lucht na sencheld mór ucut.
accus dia cloadar som indí sin do denam
dúini isind lúaon ní fil ní de nach
tairmtechd na dénat som isin domnuch’
Cotarleic iarum máolrúaoin dosom hi tabairt
[10] hisin tsathurn.

27. Ord bertha día mís ind dardaoin
dognitir mani rostir isind dardaoin
dognither día háoine dídine no satharn.
Mani téis immurgu tar domnuch ní
[15] bertar co tí a ord berti iterum día míos
ised indsin tucsam o máolrúaoin

28. IMman michel laisim ró codlad
& immun maire matin. Cuaird comgi
michíl & cuaird comgi muiri a nainm
[20] laisim icen nale. IMman michíl
iarum laisim for bíat & ymnum dícat
medon láoi día domnuich IMman muiri
immurgo forsind bíait aidchi lúaoin
IS head doleici cét slechtain crossfigeld
[25] (p. 37b) fri bíat & ymnum dícat & unita
nó cantemus Na crossfigeild dognídsom
immon michil lasin crosfigillso immon
muiri lasind crosfigell naile immasech.

---

p. 138.

29. An cetharlebar sosceli do aurleg
und oc praind co cend bliadnæ lebar
cachæ tremsi. Lebar mati isind erruch
& cetera síc in ordinem

30. [5] Cetheoræ crosfigell laisim.
Crosfigell fri bíat & ymnum dícat
immannirt Canid iarum na salmu
cosind cáocat ndegenach. Crosfigeld
fri bíat iterum i forciund ind cáocaid
[10] medonaich sechis cantemus hisuidiu.
Crosfigild iarum oc domine probasti
frisa cedna sechis imum michíl indd
alæ fecht immon muiri a fecht naild
crosfigild iarum fadeud frisin .xxx.
[15] pater. Bíait michil lasim in bíad
forsa canar immon michíl. Bíad muiri
laisim in bíat forsa canar immon Muiri
Bíat becc laisim ind bit forsandene ind
crosfigild deirid láoi. uar nád canar
[20] unitas nó cantemus furri. Canair
immurco magnificat furri & ymnum
dicat. Ni dentar tra eadar dí nodlaic
& etar di chaisc ni tabar fíach aibne and.
Ní dentar ceth crosfigill fri himnum
[25] dícat im ermergi etar dí nodlaic & etar
di cháisc. Mathidsom dano and salmu
aurnaigti do chetal fescur etar dí
nodlac. In .xxx. pater canæ som
iccrosfigill diúláoi. Gaibthussom eidi
[30] ceth etar dé notlaic cení denæ crosfigill
friu. Dognisom immurgu ind figild la
matain día tairri di notlaic steild & dia
lúain minchasc & dogní ind crosfigild
fri ymnum dícat im iarmergi aidchi
[35] tairridi notlaic steill & aidci lúaoin
minchasc. In bíat dano frisa ndene a

---

p. 139.

figild matin gabtus edi (p. 38a) etar da
soldamain cení deni figild. ISsed fogní
laisim andí frisa nden na figlae Canair
son ce beith tuaslucud forsind figild
[5] acht sailm aurnaigti dolluigter eidi
etir di notlaic & di chaisc im espartain
Ni dligiter immurgu o minchaisc co
cengigis

31. IS amlaid tra canithsom na
[10] salmu. Randaich cach caocad hi
cethair. IS hí and cétna gabal lais.
Otha beatus corrici domine quis slechtain
iarum hisuidiu & canit pater deus in
adiutorium usque Festina ria cach
[15] ngabail IS hí in gabail tanaisi otha
domine quis corici dominus ilduminatio
& benedicite as dedenach pater iarum.
Otha iarum dominus hilluminatio. usque
dixi custodiam & pater & slechtain and.
[20] O dixi custodian iaram co díad pater
and & slechtan. Otha iarum quid
gloriatur. usque té decet & pater and
& slechtan. Othá té decet usque uoce.
Otha uoce corrici misericordias. Othá
[25] misericordias corrici diat acht is and sin
canith a pater otha domine exaudisti
usque inexitu issrael Otha in exitu up
in conuertendo Otha in conuertendo

---

p. 140.

usque domine probasti [Otha domine probasti] usque diat. Magnificat
isand gabitsom iarmbiad statim,
ni iarsalmaib cantici m Cach gabal tra
issuidiu araile hisesam isamlaid canitir
[5] in pater gebesim i forciund cacha gabala
is dia forciullsom ón

32. Bui araile caillech ocaild uatne.
Duine corrath dé niconeirged cen pater
do cantain. Niconsesed cen pater
[10] dochetul. Antan atraiged som iarum
do gabail na gabail nogebed pater
statim iar neirgi & is iarum tindscanad
a gabail O roscithet iarum ind gabail
hísin nósuided & nogebed pater statim
[15] iarsuidiu & iarum toinscanad ingabail di
cétul ina suidiu (p. 38b) IS de tra do
forgillsom ind pater hi forciund cacha
gabali. IS bés laissim dogres pater
do chetul nach tan atraig & pater nach
[20] dand suides.

33. ‘ISsed rochualæ’ ol máol díthruib
Fri máolrúaoin ‘isí figeld fodgníod la
duiblitir na tri cáoca inda sesam &
slechtain iar cech salm.’ ‘Ní apur frit’
[25] ol maelruaoin ‘ní fodgní lind.’ ‘Occus ind
chantaici cindus nodngebtar’ ol máoldithruib
‘ninsa’ ol maolruaoin ‘atat tri
altai leusom for ind gabail .i. a cétul
uli fadeoid iar ngletin na salm. Nó a
[30] tri inda degaid cach caocait. Nó a
cantaic ind degaid cecha gabalæ’ ISsed
ón fogní la maoldithruib.

---

p. 141.

34. Búi alaile anchore i cluain úa
duban hé. Mór iarum a sáothar. da
cet slechtain matin ised dogníd & cét
cacha tratha & cet im ermergi secht cet
[5] ule. Adfes do maolrúaoin indní ‘Asbir
mo bríathar’ ol maolrúaoin. ‘Beith ré
dosom ríanecaib & ní dognéa cid
oenslechtain.’ Doronad ón rogabtha a
cossæ cona dernæ figild rée mór ria
[10] necaib lasind forcrid dorigni día naild.

35. Muim doberthar o thuatib is
faitciu laissom a nemfairitiu. Arisfemat
araile do fodail leusom do bochtain (nó
b) iarum Fobithin arna fodlat ind tuati
[15] do bochtaib. Ata lasna tuati iarum beith
lór dóib do ascnam nime acht doratat ní
dona hanchairtib & bidsom iarum fria
toil. IS ferr a nemgabail iarum acht
ontí bass formbthi nótí addaim
[20] anmcartine

36. Día fercaichther tra fria nech
cid sechtair cid frit muindtir ma
fosnather trist do tabirt for nech nó
aithis troscud ind. issed conmidir máolruaoin
[25] do máoldithruib & dígde ind caich
ro cradis manip muindter accus cid fer
muindtiri mad forbtiu & mat cias a
maith riasind aurd (p. 39a) dara gaib
tresind dochradsa fris is ferr a dígde

---

p. 142.

37. Gille dano nó timtirid ní hecen
aithrigi disuidiu arnachoarda eislis acht
troscud deit fadéin tantum. Manataigter
ind gille lasna bía omun dé nipa mor do
[5] brig lais & dotberae eislis dianderne
aithrigi dó. IArfuacra a chore dó issed
as cóir anord dipendit dosom & arnach
adfercaigthersu etir siue site siue insite
Manatfercaichther frit gilla dano & nibí
[10] trist na hathis cet moailli fort laim
primitus dé abaind. Manitcoiscea son
bith for usci & bargin ind aidchi iar
fercugud

38. Mad doairli sale dano ind laim
[15] oc praind imberar usci leosom iarum iar
comruc ind crontsale frisind laim.

39. Fri saltair do géss nogebad
mac bethad a salmu ISsed asberedsom
desuidiu ‘atat tri foglaide oc mo fogail
[20] mo suil & mo tengæ & mo menme
dosnaircelæ hule int saltair’ IS sed
immurgu asrubart maolrúaoin fri maoldithruib
‘ni lugæ mbis ind menme hisin
cheill dia gabail ind tsailm de memur
[25] indas cid fri saltair.’

40. Ni fogní lasna celiu dé ól neich
iar tabirt do neoch a fuail. IS sed
rochuala la maol dithruib ised fogníd la
siadal mac testa o aird móir ba diching

---

p. 143.

aralúsad fer a muindtiri banne iar mbrith
a fuail immach IS sed dano forógeni
la cumine fotai. IS sed dano fogni la
clemens mac nuadat ma danetarredsom
[5] dagmenme no mesce tre ol cormæ no
chingiti medæ inddand dondecmised.
Troscud darahesi aidchi arabarach statim.

41. Screpul doberar do gilli no óclig
ar comaitecht do neuch o pecad étraid
[10] no do mnáoi má doní aithrigi iarum ind
gilde (p. 39b) nó ind mnaoi don pecad sin
ised is imarcidi laiseom den scribul sin
a thabirt a loge do bochtaib. Ni aurtet
ní laisim cetamus a tabirt iterum
[15] dondhí hua taberr riam Ni hidan dano
lais dondhí da taberr a thaechtad quod
im pretium peccati datur.

42. Ní haurchail dano laisim cid
dognether ess usci dondhí bís for usciu
[20] & bargin. IS sed atbert máolruaoin fri
maoldithruib. ‘Bliadain glantai lindi so’
ol sesem. ‘Na tri .xl. aidchi do bith
for usciu & bargin. lom medcusci ind
domnaich ma tecme.’ Rocomarleced
[25] immurgu do loim midc do chumasc ar
usciu isind tsamchorgus.

43. IS sed fogní leusom indmat
lam iar nimbirt aibne cid do aurlégund
soscele teis neuch iar tabirt feich cid do
[30] cucin nó do nach ráod aliu indaim a
lama.

44. IS sed tucsom dano o maolruaoin.

---

p. 144.

Aithrus ind anmcharat dia
bliadna beus mád hi céin beith. Cid
mencui immurgo maith ind occus is
cet.

45. [5] Ni fogní lasna celiu dé ni di nach
ret do denam iar nespartain domnaich.
Fecht robúi damsæ domchaomnacuir
airisem hi fothrucad sel bec iar nespartain
domnaich. Asrubartsom buith cen
[10] anland de saill na him aidchi ndomnaig
& dia domnaich tara heis.

46. IS sed asrubartsa fri nech bad
craibdech conabat mór fair deithitiu na
coilnidi manip fri toil dé dosmerat.
[15] IS sed atrubart maolrúin fri sechnasach
espiscopus ochild golpin. Condatecht a
mathair cucisom aggaire & tamen noluit
auerti a pecctis. Iarmfacht iarum sechnasach
do máolrúaoin. ‘Cindus nombíad
[20] etir an déde sin’ IS sed asbertsom ‘cenis
tucasu chucud dochom betad hisi ni
rucasi tussu ad (p. 40a) mortem si uero
conuersa fuerit debes curare eam’ Mad
fir doim tra nech bess coldnaide dlegair
[25] airchisecht de amail cech doim

47. Teoræ briathra forfaccaib diarmaid
app iæ la cartach nespiscopus.
Fit foss figell .i. ní bé erchailiud lat.
‘is hé so fit nocaithiub dogres. Bíat i
[30] fus cen scucht. IS si figell indso
dogen’

48. IS sed fogníd la máolrúin intí
día maccleirchiu forsa mbeith ítu mór
comarlecud digi usci no midcc dó o
[35] trath teirt co hiarmergi Accus dogníd
trichoit pater hi crosfigild tara héisi.

---

p. 145.

Arnahimfoilnged imned dó ind roítu.
Othá immurgo iarmergi co teirt ní
comleced dig do neuch cid fri geld
bais nobeth. Aos labor tra & senoire
[5] nistimsaich greim riaglad do beith gen
ní amail áos sonairt ISsed rochuala [la]
maoldithruib ised fogeni ildius mór
Aos cacha tratha indtí bád rolabur ní
do denam dó im teirt arale i medon láoi
[10] Araile im nóin Araile im íarnóin amail
nobíd lobre caich. Gilde & ócláoich
dobered a colaind do máolruaoin doluigti
troscad dóib indtand nombid
cin troiscid leo. Feli napstal i samchorgos
[15] ni aurchoil som inn figill nach
do logud indib.

49. Teclaim ubald dano dia domnaich
no gluasacht oen ubuild díob de
lar ní fogni leusom INdtí dano nad
[20] caithe feóil ised is imairchidi laisim
conaralúsa a henbraithe Denam seillne
dano ind domnuch ni cóir laisim acht a
ndenam ríam.

50. Reim aósa lanamnasa forsambí
[25] anmcharti. O anteirt día luaoin co
matin dia cetaoin (p. 40b) Suiri &
dilmaine dóib in his diebus duobus
& noctibus etir praind & lanamnais
Abstinit foraib iarum fri feoil & lánamnas.
[30] O matin día cetaoin co matin día
dardáoin Suire dóib iterum o matin
dia dardáoin co matin día aoine. A

---

p. 146.

congmail iterum doib o lanamnas o
matin dia aoine co matin dia luaoin
.i. tribus diebus & noctibus in separatis
Apstinait praindi ineiunio foraib cum
[5] nocte scanti & in sabato cum nocte
dominica die Suire dóib ar prainn
tantum dia domnuich & aidchi luaoin.

51. Intí dano arbir bith oss nallaid
no muc naldaich & nad caith aliam
[10] carnem in pascha non manducat aliam
carnem usque ad aliud pascha et nisi
necesseitas aliqua coegerit illum. Ar ní
ar feoil & adrime indísin Mani chaithea
dano feoil & saill in pascha cid gortai no
[15] genti dodnimaircet do chaithim feolæ &
nimbe anaild arbera bith is ferr laisim &
is inildiu dó daul do ecaib ar comaldnad
a ingill inddás tuaslucud for feóil & is
ar martrai atrimther dó ced donecmai
[20] bás ind ar comalnad androtairrngert do
anmcharait. Ar níco dlegar tuaslucud
for feoil cid isind chaisc conidtoslicea
ind anmchara & is do laim ind anmcharat
is cóir laisim cith airitiu in
[25] tsacrafaic & ised bud cóir laisim combed
de laim anmcharat arfemad sacrafaic

52. ISsed as chóir laisim i pendit
ind áosæ galrich de bithbúr praindea.
Beomarbad forruib cachlacein arnara
[30] fochand báis dóib in sircharcrad & ma
dorontar ón is cen a fis doibsom .i.
a rád fria thimthirid inda timchol ‘doberar
seland dóib hi tiuglagin nó for

---

p. 147.

aran’ acht is móo (p. 41a) fogní a tabirt
dóib isind tiuglagin Fecht robai atconnairc
ind tapp robói ind hí ropo olc
a mblath inda reclesach. luid som iarum
[5] dochum in coc & dogeni fadesin ind
tiuglagin allae sin dobert trian forcridi
de usci ar chuid cach lae (sin) &
roberbi ind usce am dechaid a trian sin
la bruith & doratt cnoc de imbim ar
[10] chuid cach ae & roberbi ar ind usci & is
iarum dorad min aire is amlaich sin cech
día roairgsetar som iarum caomclód a
mblatha & niconfetadar cid fodruair uar
rombi ind fit cetne atcitis cin cumscugud
[15] Antan tra dontic aitherriuch blath &
beogud ammarbad cach la sel iarum do
ambeogud indtale dia marbad ind cruth
sin.

53. Áos trog dano nad ebat amail
[20] cach manip mall beti occae & dia ndeine
galar gabail ara fual mani tiasat immach
is deithbir laisim cid comarlecther
foraib do daul immach arnarap galar dóib
gabail foraib acht ropa techtae adlúsat .i.
[25] ni argara itid díob. Mad fri roebaidecht
immurgo non permittitur ire.

54. IS ferr dano lais & is inilliu
doneoch na rofaomæ coibsena neich mani
pendea areir acht ní bes etir la neoch do
[30] tabirt fair di maith cen airitin a cobsen
si quis uero sua peccata alicui confitiatur
(vel e) o lanpendait fair nó a indarpæ
mani penda.

---

p. 148.

55. Nodlaic stéill ni coir lais berrad
na fothruc na scoltad connaid nó nach
gníomrad ale amail nach dentar dia
domnaich. Eductio Christi ex egipto &
[5] a tabirt dochum tempuil & cloud diabul.
Celebrad domnaich (p. 41b) indib ni accammar
praind indi fri díe

56. IS sed dano is choir la colchin
sacrafic do tabirt dond aos bís illobrae
[10] fri huar mhbáis acht doratat fretech cech
espi Lecsiu immurgo ildeth nde mess
for a menmainsom dús ind fircomtúd acus
mad ed ón rombeir ind sacrafic sláne
doib den chursin. Ni dóig immurgu
[15] sacrific doatarrachtar iterum fri degenca
iarsin

57. Ni haurcul laisim dano cid
arfaomtar ní o lex áos & a tabirt detsiu
iarum do bochtaib neich forbé lortid do
[20] muindtir de fobithin maith leisim bess
ni tabrait ní de dena bochtaib.

58. Antand donecmaing aircend
praindo & suscitatur corpus ad cupidinem
ceith mín cid anmín Ni hecoir laisim
[25] ind praind sin do adcor forsind comdid
ar bruc friss ut dicat aliquis. ‘Doselbi
fein tra do praind’ accus is cretem
laisiom nipa menic dogentar fris iarum
an eola sin. No digbail neich den

---

p. 149.

praind & attag nde fris & ut ne nos
indduccas ind temtationem & deus in
adiutorium usque festina.

59. Aos duanat foibdi a tolæ bes la
[5] coibsenugud no imradad tantum no la
oitid. Abstinit dedirn doa traothad fobithin
is roimmad fola inda cuirp ised
adrali. Andand fofeiscren iarum ind fuil
is and fofeiscren ind tol & an accobar.

60. [10] Malaisi daimindsi Sur laisiom
copar a ainm Ropo trom iarum accobar
forsind ingin ar ita trian forcraid de
accobur in mulieribus sech na firu
Conidmidethar som iarom ammod & a fit co
[15] cend mbliadnæ .i. fit mesraigti som.
(p. 42a) Doluid iarum cuci som día bliadna
& cupidinem suam confessa est adhuc permansisse.
Bui siom oc huamim ara cind.
Sadais iarum ind snathaid fo tri inda
[20] dernaind co toltnadar na tri srotha
folæ asind laim Is iarum atbertsom ‘is
deithbir’ olse ‘cid ansa don curp hitá a
tóla morasa a congbal’ Dorragab som
iarum ind praind iterum. Roboisi dano
[25] forsuidiu co cend mbliadna & cupido
adhuc permansit Sadidsiom dano ind
snathat fo tri inda laim isuidiu co
tultatar dano na tri srothe fole eisse
Dogabsom dano ind praind iterum co
[30] cend mbliadna & sadais and snathait
isuidiu. Nicotolid immurgu bandæ fola
essiu isuidiu. Is iarum asbert som frie
‘congab tra i fechtsa’ olseisiom ‘forsind
fit sin cot ec’

61. Arale cendaigi taithigit hi

---

p. 150.

tír muman ind amsir samdine dobered
huadisi imchomrac na mac bethad ind
tíre congraid iarom disi hé & ronáil fair
cona tormaigfed nó na digebad cid a oen
[5] focul dia briathraib si no di briathraib
ind cáich cossa fuided. Asbertsi fris
iarum ‘conarbera dam’ olsisi ‘fri maolruain’
no fri fer da crich acus is dóchu ón
fobith isuidiu rombói maolruaoin quam
[10] samdan. ‘Is si mo sansercsa di cleirchib
ind deiscirt & ni conebera fris dús ind
airim banscala for a cubus & dus and
geba mo anmcairdessa.’ Negotiator hæc
retulit. Andand [asbert] immurgo frisiom romba
[15] si sainserc samdine hé atrecht fochetoir
& dohuargaib a dé laim hi crosfigill &
atluchestar bui do dia. Anddond iarum
atbert fris dus ind aithcomraictis banscale
(p. 42b) fris & dús ind arfaomad a
[20] anmchartisi imdercad corrici a ucht &
slechtais fo trí & spatio magno siluit.
Is iarum atbertsom ‘apur siu friesi
tra’ olsesem ‘conimthisi comarli hude’
Postea narrauit negotiator omnia haec
[25] uerba do samdin & illa dixit ‘anda lim’ ol
sisi ‘dorraga ni don mac sin’ . Is iarom
doticsa a delg asa brut & clandti inda
gruaid conidairsir isind chnaim & [dollotar] da
srenga ais iarom. Nicontuilid immurgu
[30] cid a oen bande folæ ass. Fecais ind
cendaig for qúi & torrsi oca faicsin sin
Gabesi iarum ind crecht eitir a dí mer &
fecais for a fáscud rée mór & nicontaldad
banna as Asendad iarom dolduid bannan
[35] bec bec as lasind fascad fottai. Banna
bec son de usci & robúi buidetai bec fair
do caomclod a datha. Dobertsom for a
hingin iarum in dibúrsin mbic sin.
Asbertsí tra ‘airet bés iarum’ olsí ‘a
[40] cutrumesi do súg inda curpsom ni be
mundteras indda taobatu dó fri banscala.’

---

p. 151.

62. Maccaildecha craibdecha id serc
lais daul doa hacaldaim & nertad
irsi doib & i nemfecsiu inda gnuis &
senoir it coimitecht & anacaldaim iarum
[5] for aulaid oc cros ind dorus lis no isind
disirt imbíatt & ind senoir dano teiti
latsa & senoir caildidi bis a comaitecht
na maccaildidi do bith hi farrad & ni
cian huaib imbíat. Andand donetarrat
[10] míaccobar nó míimradad tre faicsin no
ac acaldaim mbanscál ma atrocuil am
menme nad cometesta dó ceith folam
deit ni fil bríg laisiom hisind accobar
sin. IS fochric immurgu ma gabthair
[15] tairis andand mbis a foindel inda
menmain commór fri mimradud a timtasad
(p. 43a) for caúlæ feib dorrontar &
tuidecht [do] légind nó a scrutain fris &
menme isind aurnaigti. Nicon aorsusa
[20] laisiom commas pende ara faoendel
sin indda menman. Fobithin nícomór
imbisom ifus eitir.

63. Bithfer fíta na riaglae tra ceith
[25] dand erán & den seildind imbe .i. ind
lethbairgin & ind cethramtu nó anaild &

---

p. 152.

aldind cid fogluasa ind doenacht ind
accobar combí todiuscad accobir in
membris bes beith fochetóir són lasan
praind. Baóes beith inda ligiu eitir
[5] codlad & cen cotlatt. Bes immagaba
ceit co matain níco mórbrig laisim and
acht ni cometestar dond accobar ma
dogabthar chetamus a fít is imfolang
galir són & fíce secda brond. A mesrugud
[10] do neuch tra buddesin la eolus ind fita
arnara fochund galir mat robecc. Narap
altram dualchi mad romór. Ní iarum
notlortnigetar & nat furea galir. A
timmarcad fo reir na ndáonnacht ar is
[15] ecsamail reim daonachta caich. IS sed
file irriagail doimine abbatis romæ is
ferr lais & is inildiu do anmin neich
ind fit bec mín quam ind fit mór de
tuari anmín. Fobithin is ferr do fulang
[20] duine & da blath ambecc mín & is lugai
dodúsci ind daonacht fri miaccobar quam
ammór den gantuarai.

64. Andand as crad tra don chach
frisambí immalde de aos (p. 43b) sruith.
[25] nemchomaitecht doib im caomclód praindi
nó a tórmach & temet ipsam castigas do
traothad do tole & do accobair & ní
airigetar sam ón. Anda leosam immurgu
isarabstinait deitsiu. IS inildiu laisiom
[30] iarum nemchomitecht doibsiom cid crad
doib & coch be a sruithe indas ni bes
epiltiu anme dit & indas nad pende a
chinta Dogniat arale immurgro guchoibsenæ

---

p. 153.

do thuildiud indaldeth fadesin do
tormuch pende foraib & ni cor son & &

65. Praind dano do tomailt la marb
hi tig ceth naob is a hurcul acht
[5] sailmchetal & aurnaigti occo. Cid ind
fer graid dobeir sacrafic dond fir galir
dlegair dó daul astig statim iarum ne
presenti illo moritur. Ar diambe hi
fiadnaisi ind bais istig nicotaldad dó
[10] oifrenn do denam conidcoisrecad epscob
Tocaomnacair do diarmaid & do blathmac
mac flaind fecht robói conid eiter
a lamaib rothathamir cú rui quando
mortuus est tarmartsom oifrend do
[15] denam iarum cen a coisecrad conditoirmesc
colcu díob uctaras ind leuitic &
diarmait dano abb ía lais occo

66. Fecht robai luid araile manoch
do findio mac uiatach for sétt. Tecmoncuir
[20] banscal immaildi fris arsin teit &
postulauit ilda concubitum eius. Foceirtt
lamae fair fadeoig commaranic caradrad
irse (p. 44a) Nicotaldsom iarum der dia
gruad statim cotanic dochum findio &
[25] confesus est illi culpam suam Findio
dixit ‘nicombia bríg isindi sin Demmun
aridralistar sin’ olsesiom ‘dot breithsiu
úanna & dotfastad eiter tuaid & dotbreith
a teg pendi corop imdergad deit fía cách
[30] Nípa cobair immurgo dosom sech ni raga

---

p. 154.

sa hi teg pende & nitberasam eiter
tuaid Rogai do saccrafic isintturtt
chetna biæ tre cach oena’ Doluid ind
satan chuici iarsin & atgladastar tria
[5] aslach tanaidi & dixit ildi. ‘Nipa mor a
glanad deitsiu ind chomairle dobeir findio
deit. IS sed is maith deit ercc co
comgald co ruccæ breith fort’ dochoidsom
ón dano & confesus est illi & dixit comgeld.
[10] ‘IS fochen am do tichtu ní bía brig
desium’ & comgellus dixit eadem uerba
quæ dixit findio. Andand doluid a bendchar
sechtair. IS and gabuis port curuch
coluim cildi & satanas suasit illi ut iret
[15] ad columbani ‘niba hicc deitsiu tre findio
& comgeld’ olseisiom ‘ised is maith deid
perge ad columbam.’ Dochoid ón dano
& dorat a coibsena dosom & dixit ildi
columba, ‘sicut crucifixsi christum per
[20] temed ipsum pecato fo infindio quod non
credidisti quod dixit ildi per ipsum
sanctam tercio in comgello quarto in me
adbirsa fritsa’ ol colum cilli ‘cuicc bliadna
dec pendi fobithin na dimicni doratais
[25] for firbald crist .i. findio.’ FINIT doscribus
sin domdoig & inddí sceol so & ni
hainfis acht día necar doniam indnos

67. Etach berar do áos tuati cotaot

---

p. 155.

demun coronaoenastar & nídnanaid a
crothad nach a flescad acht a nidi.
Araile ancarae robui hi cluaoin mac
noais laisrien a ainm imnocht imdilmain
[5] cen ní for a cubus. he dano hi luibri
galair. Nombered iarum cách ar uair
dina mac cleirchib dochum a tigid leu.
Ronucc araile mac clerech and aidci
dochum a tigi dobert brat fa a taob.
[10] Conidtuil laisren for a brut. Atchí
aislingi coildnidi & niconfacae óa gein
gusan aidchi sin. Atraig iarum fecais
for cáoi & maircctenaich fecais for figild
iarum corogaib na tri cáoectæ fri figild
[15] Tolduid iarum taurtaim fair fora beolu.
Tonanic iarum ind taingil & dixit ildi.
‘Na bád bronach tra’ olse‘quam in ácc
nocti sensisti iterum in uíta tua non &
sensis. accus issed forúair indí sin
[20] Fobitin is brat lanamnæ ind brat forsa
roæ & ni roaonacht iarna beith lasand
lanamain cotreicigur demmun iarum
úare nad raonacht. Ar nach brat berair
do áos étraich conamteit demmun airet
[25] nat negar’ & cetera.

68. Ni molatharsom ind troscud
is ferr lais ind fit mesraigti dogres niconfil
eiter ind riagail i fueregtar acht
mad a cinta oirccne. Aon troscut hi riagail
[30] comgeild .i. ind cetain ria caisc.
Trí troisciud immurco tantum la colum
cilli in ando .i. aidchi notlacc steill .i.
post .xii. nataleis & ochtmad imbairgine
coluim cilli isuidiu & seilind & bochtan
[35] ais maith bat ead indas ind troiscti sin &

---

p. 156.

ind cetna cétaoin (p. 45a) de quadragissima
& in cena cetain post pensticostin ochtmhadh
in cechæ INd aine immurgu in
chesta dosforslaicde colum cille for
[5] noebaib herenn fobithin atbathatar dend
aine sin sruithi iar sircacht in chorgis
Ba erdath & ba lith mor iarum la colum
cille ann dogress dona braithribh ass
ningnama doib ann nobithe tremsi ocaurcilliud
[10] & oc legcude usce trit feil na
nairemon leisom insin fobithin is ann
forcentai anas.

69. IS cutrumme tra hirriagail
coluim cille fit sathairn & fit domnaich
[15] fobithin in chatudh robui forsint sabbait
i fetarlaic in opair tantum is and deilicid
fri domnach. Ata irriagailib ailibh dano
cosmailius fitta i sabbota & in dominico
in tan tra mbis isna riaglaib superponat
[20] nó superpositito do leith fitt & do leith
trosud is dir insin cena caræt immurgu
in tan is troscud .i. cena in nocte

70. IS cumme dano forich in biat nó an offrend in oen ocus in sochaidhe
[25] ar ni luga cumung naernaighthi dosom
cit lir quam si sibi soli assignetus amail
nach moa soillsi na grene don oenfer
for leith indas don sochaidhe.

71. IS mor leisim in mile cemenn
[30] nó eo amplius do aithidhigh in deissi i
domnuch is foracbadh in mile cemind fri
torrome fir galair fri tabhairt comne do
& do ocaib & tuathibh biti for anmchairtes

---

p. 157.

dotiagat do airsemh offrind & do etsecht
procepti & do rætaibh tricibh cene
& cetera:-

72. (p. 45b) IS hed rochuala la crundmael
[5] acht fo thri nico rotroisci mælruain
o gabis tamlachti .i. for artrig mac
fælmuire im chaingin robui de muintir
tamlachti friss. Iarsin chetna troscud
cetemus romemaid coss ind ríg indó.
[10] Iarsin trosc tanaise rotuit in tenid
corroloisc hé o mulluch co talmin.
Iarsin tress troscud fogeib in rí bás.

73. Bíthbés menadche is he a
auctartas robui telchomrac mor i muidh
[15] lena de noebaib herind IS hed rotinol
ropo immned leo an aes pende do epiltin
for usce & bargin lasna sruithi robatar
remib som Rotheiscset iarum imbi fri
dia. Dosnanic iarum int aingel & asbert
[20] friu ‘napa machtad amh libsi’ olsuide
‘int usce & int aran indiu inn æs pende.
Rofasaigthea na toirten & clanda in
talman cona fil nert na brig indib idiu
fri fulang neich. Go & peccad & anfhir
[25] na ndaine dorelacht annert & a brig
asin talmin cona thoirthib. INtan
rombatar in duine do reir dé Robui an
nert coir i clandaib in talman nirbo
messa int usce hisuide do fulung neich.
[30] quam lac hodie’ IS iarum atbert int
aingel friu ni de min do chummusc doib
aranim combed menadach arna toitsitis
an aes pende immallama fobithin arna
forfoelnangair int uisce & int aran.

---

p. 158.

74. Teor menadcha ann iarum.
menadach uas usce & menadach eter da
usci sech ni teit (p. 46a) sis arrec co
dommain lestir ni theit súas huas usci
[5] accus menadach ind usci. Rosaigi
immurco dommain lestair berthus ind
arbar sis. Áos ata etromæ cinaith
& atroilded bliadain no anaild do
pendait menadach huas usciu doib. Aós
[10] immurgu ata trumæ cinaid atroilded
.UII. nó U. andos menadach eiter da
usci dóib. Aós morchinaid immurco
atroildett .UII. anttos uel eo amplius ut
fiunt episcopi uel sacerdotes qui cadunt
[15] in principali cremine uel homicidæ &
reliqui. Menadach is uscu doib & cetera.
Cleirech lasa marbtar cimmid ised is
choir laisiom a pendit do amail cach
nduinorcnid

75. [20] ISsed aspered máolrúaoin oca
aurail do neuch fairsiom guidhi dé
laisiom & tócbale soscéli fris. ‘Gestisi
día lindi’ olsesiom ‘condalithisi iarum
ar naurnithe friindi. Cena taithmenam
[25] for nanmand. ar nách áon guides día
lind guidemne día lasuidiu cid na
taithmenam. ainm caich’

76. ISsed atbert mac óigi lis máir
asrubairt fria alale iarmoracht dó dús
[30] cía bald ba dech dó nógébad di
cleircecht. ISsed asrubart som ‘is hé
bald for nad cúalæ lochtt bós. Cid
derscaigtech nech’ olsesiom ‘atberar bát

---

p. 159.

romór a degserc. Cid umal asberar bát
roumal dano ind fer ísin. Cith áointech
bat romor a abstinait & reliqui similiter.
Nitcualæ immurgu neuch asroepred
[5] bat rrofossad ind fer hisin’ arsé ‘cipe
dán ara coratar neuch láimh ised as dech
dó foss occa’ & cetera

77. Báoi alaile anchoire antuaid o
sláne colcu. Coibnius dochuttæ. Rochachti
[10] iarum commór corroabstinit. Robaoi
iarum áirgi laisim (p. 46b) o muindtir &
taiscit on muindtir. Fodaledsom iarum
do bochtaib commór. Robbo accobar
laisiom iarum a faccbail uile & daul
[15] commaolruaoin. Fobithin focerd a
chubus som ar tomailt torith na muindtiri
ind narbo lór iodne ind caich imma
cuired a toratt. Atbertatar iarum ind
sruithi fria choicsiom ara tesed inda
[20] commaitecht som docum maolruin. Iarmofocht
iarum maolruaoin dó cid forúair
olcus a blatha & non confesus est Tolduid
iarum ind choic co tairfid and
fítt forsambidsom do máolruin &
[25] multum commouit illam ‘Doronais fer
indgail fort am’ ol maolruin. ‘Addomimso
tra’ olse ‘do reirsi de.’ ‘Ni talaad
cetamus’ ol maolruain ‘isind luccsa ata
foagles chóir and cruthsa’ olsesiom.
[30] ‘Ind ldín file isund’ ol maolruaoin ‘sech
dogniatt a mod cóir. Rocaithet a fít.
Ni tallasu iarum etturra sech ni dingne
gniomrada Ní rocaithfet do fit.’ Slechtais
iarum fo ogreir maolruaoin. ‘IS si
[35] mo riarsa am’ olsesiom ‘arnatta do
saogal ní do tórmuch forsind fitt teirc
sin cen cop étech & cen cop accobar lat.
And doberthar dano deit’ o maolruaoin

---

p. 160.

‘do torad ind erlama cith anidan ind
cách is idan sancto taisfentar for lár
dotegtisiu ar is disliu det siu torutt na
naérlam quam ildis. Ni aurcuil dano
[5] deit a tír ind erlama fort chubus do
fodil a toraid do bochtaib.’

78. Ni cóir tra laisiom cen tabairt
do neuch a coibsen for cech náoi dondhi
danacoibsenither su cen comtecht do in
[10] prandio mad immalde fris doteccme &
non (p. 47a) ilde curat de frepuid na
coibsen hisin aralegasu fiadosom ind
riaguil & ind pennatoir & conetis dóib
ne pereas tre connairclius neich aile.

79. [15] Nicongus laisiom dano do neuch
cid arafaoma anmchardine nó cobsen neich
bess siniu nó bess sruithe indas Aruscc
rere de aiti no sinserbrathair mani bé
nech aile bes lór laiss i focraib dó
[20] do athcomarc fris. Ni tend forngari
immurgo dlegar dosom forsuidiu acht
aralégda inda libra ara mbelaib combo
mou de ronduca athgnu.

---

p. 161.

80. Bithbés troiscta dano ní forgein
lasna naobu acht áon troscut indorsa.
Ni forgeni la comgald .i. aidchi cenlai
a aithliu na cetaoine accus ni dentai
[5] immurgo aidci ind césta. Tri troisccthe
immurcu la colam cilde ind ando & leth
fít ind cach ái díb & ba cumlechtach ind
lethfítt hisin. Arre troisccthe la diarmait
da fítt chert chutrume cid mín cid anmín
[10] dondecme & inddala hí do tabirt do día
Araile do tomailt fadein & artáott troscud
sin

81. (p. 51a21) IS hed dano dohucc
colccu ho eogun qui uiderit somnium
[15] cornale in dominica nocti daul do do laim
arabarach & a techta do denam isind
domnuch ria ndul do laim .i. cáoccae
nó cét slechtan cid ind domnuch ceth
hi soldamain nicon dermanad laisiom a
[20] pendaid and non sic máoldithruib acht
aidchi lúain ind pendaidd ISsed dano
bad doig la coilchín indhí notegtis isna
husciu. is do traothad & damnad hi
tole & ind accobur fogníd leó nó is
[25] tormuch saothair dano cena.

82. Ní aurcail dano laisiom do neoch
cid chodala a lórtid acht rop la forcomet
na trade colleir eter lao & aidche. IS
ferr laisiom dano do (p. 51b) neoch arabertha
[30] ní do maith do denam a ingell &
comallnad iarum ISsed asber solam qui
obseruat uentum non seminabit qui
considerat nubes non metet

---

p. 162.

83. Bíadd prantigi dano ised aonach
ndedenach indsin is coir do imbirt isna
mbelaib iar praind hi sessam & hi
praindtig a cetal.

84. [5] Cleirech lasammarbthar cimmid
ised is coir laisiom a pendidd do amail
cach ndunoircnid

85. Forith dano ind soscele & cobrid
inda hanmanna frisa tocabar amail forith
[10] uíuos & fogni laisiom a tocbail frissna
marbu Fecht robáoi tecmongur celdag
hi cluain mac nóis im cosnam na hapdaine.
Suidigestar iarum adomnam deorad
etarru. Indand imbáoi iarum adamnan
[15] ind hí. rocraidsetsom ind deorad
taldsatsam a apdaine aire Fóidis iarum
a muindtir dochum nadamnain do
achúine friú & dixit illis ne pranderent
& ne soluerent calciamenta usque quo
[20] alloquerentur adamanuss dixit ut comederent
in illa nocti & comederunt & in
crastina die non intrauerunt ad illum
usque ad tertiam horam et tunc narrauerunt
causam suam & adamnanus eliuauit
manam suam cum euangelio de
[25] aibritiud atarann in tene muindtir
cluana mac nois Nicon fordamar suide
nó ligi do fir díob congabsat an deorad
iterum. Adbert iarum adamnan frisna
techtaire tudecht dia tich co fuaratar a
[30] cele isind apdaine ara cind & legati
interrogauerunt horam specialem in qua
ille effectus est abbas & ba sí húarsom
douargaib adamnan ind soscele andall &
postea de tam celeri miraculo inter(p. 52a)rogatus
[35] est & ille respondit ‘napad
machtad libsi’ olsesiom ‘airde na cruichi
tresind soscele is indeniu aibritid tresngata
na huile dúile súas coricci riched.
Is denitir sin rosaigh fudumne pene &
[40] rosaig turcbail & funed ngrene & dessiubar
& tuadebur ndomain hisin doen
aibritiud & forbrisi cach doding’

---

p. 163.

86. Maoldithruib in quadragesimis in
aqua & pane usque ad nouissimum tempus
pro anima patris sui. Fobithin ba
deournichte dogres in quadragesima.
[5] Robói araile laoch hi mudornaib cum
uxore sua fo anmchairdes eochach ui
thuathail hillanamnas dligid & cum
decimis iis post inimici eius iugulauerunt
eum & omnes plebilis uidentes dixerunt
[10] ‘quid profuit illi bona facere’ & statim
uenit eocha ad dublitir narrauit illi
causam suam & duiblitir dixit leth nó
trian a folith do fodail do bochtaib &
oenmac do udpart a chuirp & a anmæ
[15] do dia & in pendit nopeinebad ind laoch
itir fit & an figill & saothar co cend .uii.
annorum a denam do a macc tar a cend.
accus a setig dano do pennait tar a cend
fadesin & dara cendsom ind ré cetnæ
[20] Doronad iarum indní sin huile co
ndechaddar do laim dia secht mbliadna a
mac & a seitig. Donarfad iarum in illa
nocte do duiblitir post .uii. annos &
badu..l a sochraiti & etach net(p. 52b)racht
[25] imbe. Dobert iarum bendachtain
for duiblitir ar ind fortacht dorradad dó
& dixit illi ‘in ac nocte dominus meisertus
est mei et eduxit de inferno ad ragnum
cælorum’ & dixit duiblitir. ‘tu quis es’ ‘ego
[30] miser de me cogitauit echo.’ Donarfid
iarum in una eademque [nocte] do eochaid &
filio & uxori & benedixit illos et eadem
uerba dixit illis

---

p. 164.

87. Praind dano do tomailt la marb
is coir andso & etach berar do æs .t. annsin
nicon molatarsom ind troscud andos is
coir ind.

88. [5] INdand donecmic imsitin hi
codlad do neoch & ni facaid deilb & nibi
cumman lais ní do faicsin tresambed elned
do canad cethtra salmu & donicc in aqua
& nin derban dó dul do laim iarabarach
[10] Fobithin ni heillned dosom indnísin
acht is míchumne spiride fri télach
neich din imarcraid lenda bís isind churp

89. IS aurcail lais dano codlad do
[15] neuch oc praind. ISsed immurgu as
choir laisiom cudnód ind prainde arna
bether ocu nach cein [ní] do cach son
immurgu.

90. Treide nad conairiti tol dé.
[20] maith ara cummiscther olc. maith
tinscantar & nad berar co forcenn.
accus cobair foreissed madoberthe inruth
nocobrafad & doberar iarnasa indruth
nad cobradar.

---

© 2007 Thesaurus Linguae Hibernicae

Close this window