Uath Beinne Etair

Author: unknown

Editor: Kuno Meyer

An electronic edition

p. 129.

(MS fol. 35b)

Fechtus diaraiuhe Diermait mac Duinn i Duipni ind-uaim
Penni hEdair ier m-breith Graindi ingeni Cormaic ar aithed
o Finn. Pai cailliuch lae Diermait ind inbuid side oc
a forairiu in cech du a m-pidh. Luid in cailliuch isan
[5] uamaidh immauc, co m-pui for mullach Pendi Edair. Co
n-acai ind oen-oclach dia soigid. Is e dino pui ann, ind rigfendid.
Fochtus int sentonn rise nde. ‘Totocmarc-sai tánac’,
ol Finn, ‘& cais adpher deis dit, hocus issed is
ail daum, do di at oen-bé ocum’. Credis int sentonn ferpo
[10] Finn & tingeullus ndo a thal de gnim. Ised rusáil Finn fuirri,
Diermait di mairned ndo. Foemus int sincreth sin do,
hocus dopheir a ti font sali, hocus lot isan uaim iarom.
Fochtus Diarmait innus nabe ndi. ‘Is cuphus dam’, ol í,
‘nach facusai riam & nach cechla a fiu ar uairi &
[15] ainphenaibh. Oir dileth an reud tar na bríanaiph, hocus ni fil

p. 130.

maug mínreidh ind-Elgai uili nach fuil sruth rod routmald
eter gach da futhirphi ind’, ol í. ‘Ocus ni fagaidh seg no
curpha a n-Erinn demh ind-uaim ina i n-aildu no a n-ailén
nó i n-inpher an Falmoigh.’ Crothus a fath co hecnaidh
[20] ar fiarlæid na huamhu hocus rocan na runnu sa sis.

‘Fuit, fuid!
Fuar inocht Mag lethon Luirc,
arda in snechta ’nas an sliab,
nocha roichenn fiadh a cuid.

[25] Fuid co brath!
Rusdail in doinenn ar cach,
aponn cech ettrichi a fán,
hocus is linn lan gach n-ath.

As muir mor gach loch phís lán,
[30] hocus is loch lán gach linn:
ni roichit eich tar Ath Rois,
ni mo roichit di cois inn.

Siuplad ar iasc Inse Fail,
ni [fh]uil traich nach tiprai tonn:
[35] a m-proccaibh nicota proc,
ni leir cloc, ní lapar corr.

Ni fagaid coin Coildi Cuan
sam na suan a n-adhpaid con:
ni fagann in dreen becc
[40] dín da net a Letrich Lon.

Asmaith do menpaid na n-en
in gaeth ger ’s a[n]t oichred fuar:
ni fagbann lon drom bad ail,
din a toib i Coilltib Cuan.

p. 131.

[45] Sadail ar cairi da drol,
aisdrich ar Lonletrich cro:
diminaig snechta coild ché,
decair dreim re pennaibh pó.

Cuibiur Glindi Ridi rúi
[50] on gæith acher dogeip len:
mor a truaige ocus a pian,
int oiccreud dosia ’na bel.

Eirgi de colcaid ’s do cluim
— tucc dit’ uidh! — noca cíall duit:
[55] immad n-aigrid ar cech n-ath,
isse fath fan-aprann ‘fuid.’ F.u.i.t.’

Luid int sentonn amauc iersin. Imtala Graindie immorro,
roraithid an sentuinn ar n-imdicht & doucc a frac
amach lassotain for an timtach pó imbpe, hocus denfuc
[60] for a tuiridin, confuair plais na trethno for a tí. ‘Dirsan,
a Diermait’, ol i, ‘rolancc in sennin fort, hocus atraig
co crip hocus geub do erriud caimpir imbat!’ Togene
Diermait sin. Lod immauch liasotain hocus Graindie leis.
Con-acatur and rifennidh co fianaip imme ina n-dochum.
[65] Diuais Diermait seucha for in rein [i]m Erinn, co n-acuu
in noi a cluthar in cuain ’na comfocus. Luid hocus Grainni
ina fochraib ind. Oenceile ar a cind isin luingin co timtach
sainemail imme, co forti lethanchlaiss orbhuide tar a formna
sechtair, hocus isse po ind sin: Oengus an Procchai,
[70] datan Dermatai, tainic dia oirchisecht on nairne sin i raibhae
ó Find & ó fhianaib Erenn. Finit.

Close this window