A Note about Fiacha Muillethan

Author: unknown

Editor: Whitley Stokes

An electronic edition

view the header | view the translation | view RIA MS 23 P 2 on ISOS

p. 41.

(MS p. 337b)

Doluid Eogan Mor mac Aililla Uluimm do chath Muigi Mucraime.

p. 42.

Feraid aigidecht i tig Threith meic Da Chrega in
druad. I Carn Fhearadaich bai teach Treith, & bai ingen illdealbach
aici .i. Moncha a hainm. Rochuindich Eogan a ingen
for Treith in aídchi sin, & adbeart in Treith fria ingin techt illebaid
Eogain, & adbert fria co mberad mac d’Eogan & com[b]ad
ri Muman in mac sin & com[b]ad rigda a cland dia eis,
& nod-muirfidea he fen i cath Muigi Mucrama.

Faidid Moncha la h-Eogan iarsin, & berid mac hi cind .ix.
mis .i. Fiacha Muilleathan a ainm, ar intan tanic goa lamnad
adbeart in drai fria: ‘Mad iniu bera do mac bid cland druad,
mad imarach bera, bid rig in mac & bid rigda a cland.’

‘Mina thi’, ar si, ‘trem thæb-sa, ni tharga in chonair
choir co amairech’.

Beirid Moncha a mac iarnamaireach la turcbail ngreini,
uair is airi fa “Muillethan” [fair] uair roleth a cheand forsin
cloich, & maraid lathrach a chind forsin cloich beos.

Gabais Fiacha Muillethan flaithius Muman iar Cormac Cas
mac Aililla Uluimm, & is ’na re tanic Cormac hua Cuind for
sluaiged a Mumain co Druim n[D]amgairi .i. Long Cliach indala
hainm, cor’gob forbaisi and sin for Mumnechaib, co ndeachas
o Fhiachaig Muilleathan co Mog Ruith. Is and bai side
in[D]airpri, & tucad do a roga do thirib Muman ar thoideacht
don chath. Co tanic Mog Ruith iarsin don chath, & romemaid
for Cormac & for Leath Cuind tre thegasc Moga Ruith, & tuc
Cormac geill do Fhiachaig Muillethan. Conad and adbert
Feidlimid mac Crimthain:

‘Fiacha Muilleathan maith-rig
a hiathaib Lai il-leitrib Crai,
tucad geill do a Temraig thren

p. 43.

co Fafaind reill. co Rath nai.
roslecht do ri[g] Thigi Duind,
Cormac hua Cuind cid rom lai.’

Fiacha Fear da liach ainm aile do .i. liach do cach echt do-rala
do .i. mor in t-echt dosom .i. marbad a athar i cath la
Mac con & marb[ad] a máthar dia breith. Finit.

Close this window