Rannphairtíocht Dhomhanda UCD - Cur aithne ar an bhFoireann

An tOllamh Dolores O’Riordan

An Leas-Uachtarán do Chaidreamh Domhanda

Tá Dolores freagrach as forbairt agus as cur i bhfeidhm Straitéis UCD um Chaidreamh Domhanda.

Is Ollamh le Bia-Eolaíocht í, agus díríonn a cuid taighde ar airíonna fisiciceimiceacha chomhábhair bhia agus ar chomhdhéanamh bia a chruthú a fheabhsóidh buntáistí sláinte. Tá naisc ghníomhacha ag a clár um thaighde bia le hollscoileanna san Eoraip, sna Stáit Aontaithe, san Astráil agus sa tSín. Tá breis agus 40 mac léinn iarchéime stiúrtha chun críche aici agus tá breis agus 100 foilseachán piarmheasúnaithe aici. Is í príomhthaighdeoir UCD in dá mhórionad teicneolaíochta, Food for Health Ireland agus Dairy Processing Technology Centre.

Bronnadh Gradam Eolaíocht na Beatha agus Thráchtálaíocht Bhia de chuid Fhiontraíocht Éireann uirthi in 2012 mar aitheantas ar a hionchur iontach i dtaobh nuálaíochta i dtionscal an bhia. Sular tháinig sí chuig UCD d'oibrigh sí i réimse an taighde agus na forbartha le comhlacht bia ilnáisiúnta a fhreastalaíonn ar mhargaí domhanda. Is comhairleoir í ar roinnt

An tOllamh Paul Fanning

Propast - BDIC, CDIC agus GDIC (Comhcholáistí Idirnáisiúnta UCD sa tSín) agus Déan Idirnáisiúnta UCD (an tSín)

Tá an tOllamh Paul Fanning ina Dhéan Idirnáisiúnta UCD don tSín agus ina Phropast do gach ceann de thrí chomhcholáiste idirnáisiúnta UCD sa tSín. Is iad na trí choláiste idirnáisiúnta ná Coláiste Idirnáisiúnta Bhéising-Baile Átha Cliath in Ollscoil Teicneolaíochta Bhéising (BDIC), Coláiste Iompair Idirnáisiúnta Chang'an Bhaile Átha Cliath in Ollscoil Chang'an, agus Coláiste Idirnáisiúnta Eolaíochtaí Beatha agus Teicneolaíochta Guangzhou - Baile Átha Cliath in Ollscoil Talmhaíochta na Síne Theas (GDIC).

Roimhe seo, 2017-2019, d'fhóin sé mar Leas-Leas-Uachtarán UCD um Rannpháirtíocht Dhomhanda agus chomhroinn sé freagracht as Straitéis Rannpháirtíochta Domhanda UCD a sheachadadh. Sa ról seo bhí sé ina chathaoirleach ar an mBord Domhanda Rannpháirtíochta Staidéir a chuireann maoirseacht agus rialachas acadúil ar fáil do gach clár acadúil UCD faoi shainchúram Ionad na dTeangacha Feidhmeacha UCD agus Institiúid na hÉireann um Léann na Síne UCD

Shauna Hughes

Stiúrthóir Domhanda Caidrimh Dhomhanda, Comhpháirtíochtaí agus Soghluaisteachta UCD.

Is í Shauna Hughes an Stiúrthóir ar Chaidreamh Domhanda, Comhpháirtíochtaí agus Soghluaisteacht ag UCD Ar Fud na Cruinne. Oibríonn Shauna i gcomhpháirtíocht le Una Watkins, Stiúrthóir ar Earcaíocht Mac Léinn Idirnáisiúnta chun fís agus ceannasaíocht straitéiseach a thabhairt do UCD Ar Fud na Cruinne agus chun bainistíocht a dhéanamh air le go mbainfí amach na huaillmhianta atá i Straitéis Chomhpháiteachais Dhomhanda UCD 2021-2024.

Mar chéimí ó Ollscoil Uladh agus ón Institiúid Chairte Margaíochta, tugann Shauna ceannaireacht freisin don Fhoireann um Chaidreamh Domhanda, um Chomhpháirtíochtaí agus um Shoghluaisteacht maidir le forbairt ar chomhpháirtíochtaí agus ar shoghluaisteachtaí atá ann cheana agus orthu siúd atá nua, ar mhaithe le treoir a thabhairt do cheannairí acadúla UCD chun comhpháirtíochtaí stráitéiseacha a fhorbairt agus tacaíocht a thabhairt do thionscnaimh shoghluaisteachta.

Una Watkins

Stiúrthóir Domhanda Earcaíocht Mac Léinn Idirnáisiúnta UCD

Is í Una Watkins an Stiúrthóir ar Earcaíocht Mac Léinn Idirnáisiúnta ag UCD Ar Fud na Cruinne. Oibríonn Una i gcomhpháirtíocht le Shauna Hughes, Stiúrthóir ar Chaidreamh Domhanda, Comhpháirtíochtaí agus Soghluaisteacht chun fís agus ceannasaíocht straitéiseach a thabhairt do UCD Ar Fud na Cruinne agus chun bainistíocht a dhéanamh air le go mbainfí amach na huaillmhianta atá i Straitéis Chomhpháiteachais Dhomhanda UCD 2021-2024. Mar chéimí ó UCD, tá Una i gceannas freisin ar Fhoirne Earcaíochta agus Iontrálacha Mac Léinn Idirnáisiúnta i mBaile Átha Cliath agus ar líonra ionaid UCD Ar Fud na Cruinne atá lonnaithe sa tSín, san India, in Aontas na nÉimíríochtaí Arabacha agus sna Stáit Aontaithe agus leis sin tugtar treoir fhoriomlán do straitéis na hOllscoile maidir le hearcaíocht mac léinn idirnáisiúnta thar phríomhmhargaí oideachais idirnáisiúnta

Michael Talbot

Stiúrthóir na Straitéise um Rannpháirtíocht Dhomhanda

Is é Michael atá i gceannas ar chur i bhfeidhm, monatóireacht agus measúnú Straitéis um Rannpháirtíocht Dhomhanda UCD. Sa ról sin, oibríonn sé le príomhpháirtithe leasmhara ar fud an champais agus le comhpháirtithe ó ghréasán domhanda UCD chun eispéireas domhanda a dheimhniú d'fhoireann teagaisc, foireann choimhdeach agus mic léinn UCD agus chun tionchar UCD a mhéadú.

Díríonn suimeanna taighde agus teagaisc Michael ar na dlíthe idirnáisiúnta i leith chearta an duine agus ar cheartas idirthréimhseach. Is iarrthóir seachtrach PhD i Scoil Dlí Ollscoil Utrecht é, mar a ndéanann a thaighde iniúchadh ar fhorbairt is ar scaipeadh noirm thar an trí chóras réigiúnacha um chearta an duine. Tá a chuid scoláireachta le feiceáil in Georgetown Journal of International Law, Harvard Human Rights Journal, chomh maith le háiteanna eile.

Sular tháinig sé go UCD, bhí Michael ina Stiúrthóir ar Ionad Domhanda Mheicsiceo Ollscoil Notre Dame agus thacaigh sé le bunú Scoil Gnóthaí Domhanda Keough.

An tOllamh Liming Wang

Stiúrthóir Institiúid na hÉireann um Léann na Síne agus Institiúid Confucius UCD

Ceapadh an tOllamh Wang ina Stiúrthóir ar an Institiúid Éireannach don Léann Síneach agus ar Institiúid Confucius UCD in 2006. Sular tháinig sé chuig UCD, bronnadh scoláireacht chuartaíochta ó Ollscoil na Banríona, Béal Feirste ar an Ollamh Wang, agus i ndiaidh dó a PhD san Eacnamaíocht a chur i gcrích, ceapadh ina chomhalta teagaisc agus taighde in Ollscoil na Banríona é in 1995.

An Dr Anna Nunan

Ionad an Bhéarla agus na dTeangacha Domhanda UCD

Is í Anna Ceann Aonaid Ionad an Bhéarla agus na dTeangacha Domhanda. Roimhe seo d'oibrigh sí mar Leas-Stiúrthóir agus Stiúrthóir agus bhí sí i gceannas ar an Ionad ar Chlár Domhanda na Modúil Teanga, Modúil Béarla in-seisiúnta agus Máistreacht an Ionaid i dTeagasc an Bhéarla do Chainteoirí Teangacha Eile (TESOL). Rinne sí staidéar ar an nGearmáinis agus ar an bhFraincis agus tá PhD aici sa Léann Gearmánach ó Choláiste na Tríonóide, Baile Átha Cliath. Bronnadh malartú scoláireachta uirthi le dul go dtí an Ghearmáin agus d’oibrigh sí ar chláir Scríbhneoireacht Acadúil sna SA sular thosaigh sí le Coláiste na hOllscoile, Baile Átha Cliath. Bhain sí Dioplóma Iarchéime amach i dTeagasc agus i bhFoghlaim Ollscoile ag Coláiste na hOllscoile, Baile Átha Cliath.

Oibríonn Anna le foireann san Ionad ar chláir teanga ar ardchaighdeán a fhorbairt thar raon leathan teangacha agus leibhéil ag Coláiste na hOllscoile, Baile Átha Cliath. Tá fócas láidir ar réimse an Bhéarla do chríocha Acadúla do mhic l

Clár Ní Bhuachalla

Stiúrthóir Ghaeltacht UCD

Stiúrann Clár Gaeltacht UCD i gcomhroinnt na Gaeilge agus an cultúr a bhaineann léi ar fud an domhain, rud nach post amháin di é ach rud a bhfuil dúil aici ann. Tá tionscadail curtha le chéile aici, lena n-áirítear cúrsaí teanga do mhic léinn agus d'fhostaithe, seirbhís aistriúcháin don ollscoil, scéim chónaithe Ghaeilge do mhic léinn a bhfuil gradaim buaite aici, cláir mhalairte le hollscoileanna in Albain, chomh maith le clár teanga agus cultúrtha sa tSín a dhearadh agus a sheachadadh. Ceann amháin dá buaicphointí gach bliain ná fáilte a chur roimh alumni, roimh dhiaspóra agus roimh an bpobal áitiúil chuig scoil samhraidh idirnáisiúnta na Gaeilge in UCD.

Tá céim onóracha sa Nua-Ghaeilge agus sa léann Gearmánach ag Clár, chomh maith le hArdteastas san Oideachas ó Choláiste na Tríonóide, Baile Átha Cliath. Tá scoláireachtaí chuig Christian-Albrechts Universität zu Kiel, an Ghearmáin agus Adam Mickiewicz University Posnan sa Pholainn bainte amach aici. Tá spéis faoi leith aici i gcultú

Paula McBride

Bainisteoir Airgeadais

Is í Paula McBride an Bainisteoir Airgeadais in Oifig an Chaidrimh Dhomhanda. Tá sí freagrach as rialú agus as pleanáil airgeadais. Is ball den fhoireann bhainistíochta sinsearaí í Paula agus cuireann sí comhairle agus saineolas ar fáil maidir le hathbhreithniú ar ghníomhaíochtaí reatha agus ar ghníomhaíochtaí amach anseo a bhaineann le cúrsaí airgeadais.

Tá céim onóracha ó Ollscoil Luimnigh ag Paula, a raibh an Chuntasaíocht agus an tAirgeadas mar phríomhábhair aici agus is comhalta de chuid Chuntasóirí Cairte na hÉireann í, i ndiaidh di a hoiliúint ghairmiúil chuntasaíochta a chur i gcrích le PwC in 2005. D'oibrigh Paula mar chuntasóir coláiste i gColáiste na hInnealtóireachta agus na hAiltireachta, in iarCholáiste na Talmhaíochta, Eolaíocht an Chothaithe agus an Leighis Tréidliachta agus ina ról is deireanaí mar chuid d'fhoireann Choláiste na nEolaíochtaí Talmhaíochta agus Sláinte.

Déan iniúchadh ar UCD

About UCD

Students

Research & Innovation

Colleges

Engage

Key Services