FLEXI

Togra maoinithe ag an ERC is ea FLEXI, atá ag forbairt teicnící digiteacha nuálacha chun téacsanna luath-Ghaeilge a scrúdú. Fiosraítear an bealach a ndearnadh irisí dlí a (ath)chumadh, a scrúdú, agus a scaipeadh in Éirinn sa Mheánaois; a thugann le fios na nascanna eatarthu, nach bhfeicfeá murach FLEXI. Is é seo an chéad dhianstaidéar ar irisí Gaeilge agus an chéad iarracht chun fileolaíocht, stair an dlí chomparáidigh, teoiricí líonra, agus teicnící dhigiteacha a tharraingt le chéile ar mhaithe le taighde agus tuiscint an ábhair a fheabhsú.

Youth Engagement in European Language Preservation (YEELP), 1900-2020

Togra maoinithe ag an ERC is ea é seo chun teangacha stairiúla réigiúnacha a chaomhnú agus a chosaint. Díríonn an togra seo ar rannpháirtíocht na hóige i gcaomhnú theanga na Gaeilge, na Breatnaise, agus na Catalóinise. Bíonn cur chuige oideachasúil, stairiúil, agus liteartha i gceist, mar aon le bheith ag plé leis an aos óg.

Mná ó na Gleannta

Díríonn taighde Regina Uí Chollatáin, dar teideal ‘Mná ó na Gleannta’, ar aicme intleachtúil Mná chúige Uladh, ar cuireadh ar leataobh iad nach mór, le linn Athbheochan na Gaeilge. Go luath san fhichiú haois, d’fhorbair mná Protastúnacha ó na Gleannta i gContae Aontroma taighde shuntasach ar an nGaeilge in irisleabhair mór le rá agus i réimsí saothair eile. Ní hamháin go raibh ról lárnach acu le linn Athbheochan na Gaeilge, ach chuidigh siad go mór Feis na nGleann a reachtáil i mblianta tosaigh an fichiú haois.

Decoding Hidden Heritages of Gaelic Narrative

Baintear úsáid as teicneolaíocht den chineál is úire chun Saibhreas Oidhreachta na hinsinte Gaeilge a thuiscint, a léirmhíniú, agus a choimeád. Is cuibhreannas é seo idir IRC & CTED-TNRA. Léireoidh sé na cosúlachtaí agus na difríochtaí idir nósanna seanchais na hAlban & na hÉireann. A bhuí le forbairtí sa Phróiseáil Teanga Nádúrtha a tháinig chun cinn le déanaí, beidh an fhoireann in ann corpas leathan lámhscríbhinní béaloidis sa Gàidhlig agus sa Ghaeilge a dhigitiú, a aistriú agus a scaipeadh.

Pobal na nAE istigh: Pobal na Gaeilge agus an tAontas Eorpach

Is togra é seo de chuid Gaeltacht UCD & Scoil na Gaeilge, an Léinn Cheiltigh agus an Bhéaloidis UCD chun an líonra Gaeilge agus muintir an phobail a thabhairt le cheile chun polasaithe agus dea-chleachtas teanga a phlé, maidir leis an nGaeilge. Cuirfidh an togra seo leis an bplé, atá ag dul ar aghaidh i gcónaí, maidir le todhchaí na hÉireann san AE. Tá an togra seo maoinithe ag an Tionscnamh Cumarsáide faoin Aontas Eorpach, fé scáth an Roinn Gnóthaí Eachtracha.

Saint Brigit's cult in Ireland and Europe

Togra taighde maoinithe i ag an gComhairle um Thaighde in Éirinn is ea é seo, a sholáthraíonn mionstaidéar comparáideach ar fhás agus rath naofacht na mBan sa mheánaois, a bhreathnaíonn ar théacsanna Gaeilge agus Laidine.

CROPREVIVE

Is tográ de chuid an Chomhairle um Thaighde in Éirinn é COALESCE (Comhaontas Comhoibríoch um Athruithe Sochaíocha), a fhiosraíonn conas gur féidir le cleachtais fheirmeoireachta ársa cuidiú linn córais fheirmeoireachta inbhuanaithe a fhorbairt in Éirinn sa lá atá inniu ann. Agus iad ag scrúdú fianaise ón bhfeirmeoireacht fadó, breathnaíonn an fhoireann, atá i bun oibre ar an togra, ar théacsanna Gaeilge ó Chnuasach Bhéaloideas Éireann chun cur leis an taighde.

Landspeaks

Is togra é seo atá á threorú ag an Ionad um Léann Ceannadach UCD agus Fondúireacht Ollscoile na hÉireann agus Cheanada (ICUF). Díríonn sé ar dhaoine a bhfuil spéis acu i réimsí a bhaineann leis an gcultúr, caomhnú teanga, míntíriú, sláinte thimpeallachta, próiseas síochána agus athchairdeas, ar mhaithe dúinn uilig ar fud an domhain.

Global Diaspora Congress

Tá breis is 70 milliún duine mórthimpeall an domhain a shíolraíonn ó eisimircigh na hÉireann. Ag Comhdháil Dhiaspóra Domhanda, cruinníonn taighdeoirí ó gach cearn den domhan chun a gcuiod oibre ar an stair, an cultúr, an oidhreacht, agus féiniúlacht an phobail Éireannaigh thar learr a scrúdú. Cuireann an teacht le chéile seo le taighde timpeall an domhain, a dhíríonn ar thaithí na n-eisimirceach Éireannach agus na cúiseanna a bhí acu fágáil.

Fondúireacht Mhíchíl Uí Chléirigh do Stair agus Sibhialtacht na hÉireann

Ionad ceannródaíoch taighde i stair agus sibhialtacht na hÉireann is ea Fondúireacht Mhíchíl Uí Chléirigh. Ainmníodh an tIonad in ónóir ar dhuine de na‘ Ceithre Mháistir’, a thiomsaigh ‘Annála Ríoghachta Éireann’. Bunaíodh é sa bhliain 2000 mar chuid den comhpháirtíocht idir UCD & Ord na bProinsiasach in Éirinn. Tacaíonn Institiúid Mhichíl Uí Chléirigh le lucht léinn ina gcuid taighde agus cuireann sé an léann Ceilteach chun cinn i measc an phobail agus an locht acadúla trí chomhdhálacha & foilseacháin a chur ar fáil.

Lárionad de Bhaldraithe um Léann na Gaeilge

Bunaíodh Lárionad de Bhaldraithe um Léann na Gaeilge sa bhliain 2008 chun freastal ar an éileamh ar ghairmithe oilte sna meáin Ghaeilge agus iriseoireacht, eagarthóireacht/cóipeagarthóireacht, riarachán, aistriúchán dlíthiúil trí mheán na Gaeilge, ateangaireacht, agus aistriúchán. Dírítear go príomha ar chruinneas teanga mar aon le cúrsaí critice agus anailíse le mic léinn a ullmhú do phoist éagsúla na Gaeilge san aonú haois is fiche.

Cnuasach Bhéaloideas, aitheanta ag UNESCO, in UCD

Mar aitheantas ar an tábhacht dhomhanda agus an luach domhanda thar na bearta don chultúr, tá Cnuasach Bhéaloideas Éireann aitheanta ag UNESCO. Is iomaí gné daonna a chlúdaíonn na hábhair atá bailithe ag Coimisiún Béaloideas Éireann ó 1936; ina measc, an cultúr ábhartha, an litríocht bhéil, agus an léiriú ealaíonta agus teanga. Tá 706,039 leathanach lámhscríbhinne, 13,396 grianghraf, agus 267 uair an chloig de thaifeadtaí fuaime ar fáil anois tríd an Togra um dhigitiú CBE UCD.

Gaeltacht UCD

Cur chun cinn gníomhach na teanga is aidhm do Ghaeltacht UCD. Déanann an t-ionad freastal orthu siúd ar mian leo teagmháil a bheith acu leis an dteanga trí réimse tionscadal a bhunú agus a riar. I measc na dtionscadal sin, tá: cúrsaí teanga, ceardlanna cultúrtha, seirbhís aistriúcháin, scéim chónaithe do mhic léinn, agus clár idirnáisiúnta. Tá ionadaíocht ag Gaeltacht UCD ar Bhord Tacaíochta Gaeilge na hOllscoile.

Ba í Agnes Farrelly an chéad bhean mar Ollamh sa Nua-Ghaeilge (1932-1947)

Ag cur réimsí canúineolaíochta agus foclóireachta na Gaeilge chun cinn

Piblíne phroifisiúnta a sholáthar chun an Ghaeilge a chur i bhfeidhm mar theanga fheidhmiúil san AE

Tá an t-aon chóip den Dialann ó Imeacht na nIarlaí 1607 ag UCD; an chéad dialann scríofa as Gaeilge

Is í an tOllamh Regina Uí Chollatáin cathaoirleach Fhoras na Gaeilge, an institúid atá freagrach as an nGaeilge a chur chun cinn

Ba é Osborn Bergin an chéad Ollamh sa Luath-Ghaeilge & Gaeilge na Meánaoise in UCD. Eisean a tháinig ar Dhlí Uí Bheirgin

Tá Cnuasach Bhéaloideas Éireann (CBE) in UCD aitheanta dá thábhacht dhomhanda ag EOECNA

Labhair an tOllamh John McCafferty leis an Oireachtas maidir le tábhacht na lámhscríbhinní Gaeilge do chuimhne na ndaoine

Bhí taighde Eoin Mhic Néill ríthábhachtach le linn Athbheochan na Gaeilge agus é mar chéad Ollamh ar an luath-Stair na hÉireann

Dubhghlas de hÍde: An Chéad Ollamh ar domhan sa Nua-Ghaeilge

An Dr Fangzhe Qiu

Comhlach Ad Astra le Scoil na Gaeilge, an Léinn Cheiltigh agus an Bhéaloidis, le saineolas i dteangeolaíocht stairiúil na Ceiltise, le béim faoi leith ar éabhlóid na Sean-Ghaeilge, an Luath-Fhéineachas, agus litríocht luath na Gaeilge. Príomhthaighdeoir don dtogra FLEXI.

An tOllamh Regina Uí Chollatáin

Príomhoifigeach Choláiste na nEalaíon agus na nDaonnachtaí UCD, Cathaoirleach Fhoras na Gaeilge, Uachtarán Chomhdháil Dhomhanda Dhiaspóra na hÉireann, agus ball Bhord Acadúil Comhairleach Mhúsaem Litríochta na hÉireann agus ball Chomhairle Bhéaloideas Éireann í.

An tOllamh Cúnta Iarfhlaith Watson

An Dr Ríona Nic Congáil

Ollamh Comhlach, speisialtóir i Ré na hAthbheochana, Stair na hÓige, ról na mBan i litríocht na Gaeilge agus Staidéar teangacha mionlaithe, Príomhthaighdeoir ar thionscnamh ROCTE de chuid an ERC.

An Dr Tiber Falzett

Ollamh Cúnta, le taighde a dhíríonn ar theanga ar cheol agus ar thógaint pobail trí heolas áitiúil sochaí-bhunaithe i measc na nGael ar an dá thaobh den Atlantach.

Dr Conor Mulvagh

Léachtóir i Stair na hÉireann le freagracht faoi láthair as Deich mBliana na gCuimhneachán, ionaid thaighde ar stair pholaitiúil na Breataine agus na hÉireann go príomhdha, agus stair na hÉireann le linn deich mbliana reabhlóid na hÉireann agus an Chéad Chogadh Domhanda.

An tOllamh Meidhbhín Ní Úrdail MRIA

Saineolaí domhanda ar thraidisiún scríofa na Gaeilge ón ré meánaoiseach go dtí an 19ú haois, agus oidhreacht chomhaimseartha scribhneoireachta na Gaeilge, a oibríonn go dlúth le lámhscríbhinní ó Shainchnuasaigh UCD.

An Dr Connor McCabe

Comhalta Ad Astra le spéis sa Nua-Ghaeilge agus i gcomhréir. Príomhthaighdeoir ar Phobal na Nae istigh: Pobal na Gaeilge agus an tAontas Eorpach.

An Dr Elva Johnston

Ollamh Comhlach le Scoil na Staire, ag díriú ar stair agus ar chultúr na Cianaoise Déanaí agus na hÉireann Meánaoisaí Luath, le béim faoi láthair ar chultais na Naomh Éireannach agus ar thionchar na Románaigh ar an gCianaois Dhéanach in Éirinn.

An Dr Kelly Fitzgerald

Ceann Scoile Scoil na Gaeilge, an Léinn Cheiltigh agus an Bhéaloidis í Kelly, le saineolas i stair na smaointeoireachta agus forbairt ar bhéaloideaseolaíochta na hÉireann agus cartlanna, ina measc nithe eile a bhaineann le béaloideas agus le traidisiún béil.

An Dr Cathal Billings

Ollamh Cúnta le Scoil na Gaeilge, an Léinn Cheiltigh agus an Bhéaloidis, UCD, le béim
thaighde faoi leith ar an Athbheochan, stair an spóirt, náisiúnachas agus náisiúnachas cultúrtha, na meáin Ghaeilge agus úsáid na Gaeilge sa réimse poiblí.

An Dr Aoife Whelan

Ollamh Cúnta í Aoife atá ag déanta taighde ar na meáin Ghaeilge, athbheochan na Gaeilge, scannánaíocht, Fealsúnacht na hÉireann- Éireannach, Príomhthaighdeoir ar “Scéal na mBan” sna meáin Ghaeilge sa tréimhse iar-athbheochana i Stát na hÉireann 1922-1962’.

Dubhaltach Mac Firbisigh

Lámhscríbhinní Cholm Uí Lochlainn

Cnuasach Bhéaloideas Éireann

Cnuasach Proinsiasach UCD

Cartlann Léamh Filíochta na hÉireann

Lámhscríbhinní Patrick Ferriter

Lámhscríbhinní Henry Morris

Lámhscríbhinní Eugene O’Curry

Cartlann na gCanúintí

Scannánóirí Colm Bairéad agus Cleona Ní Chrualaoí lena gcéimeanna oinigh ó UCD

Fave Focail

Taispeánatas Leabharlann an Oireachtais ‘Cumann Buan-Choimeádta na Gaeilge’ leis an Dr. Aoife Whelan

Is podchraoladh é ‘Beo ar Éigin’, a chuireann iar-Mhic Léinn UCD, Siún Ni Dhuinn & Áine Ní Bhreisleáin, i láthair

Is alum de chuid UCD é an t-údar Manchán Magan

Pádraig Mac Piarais: Saol agus Oidhreacht leis an Ollamh Regina Uí Chollatáin & Roisín Higgins

Is alum de chuid UCD í an scríbhneoir, an taibheoir, agus an láithreoir, Ciara Ní É

Is céimí de chuid UCD é an láithreoir TG4, Donncha Ó Murchú

Saoineolaithe UCD i gclár faisnéise TG4 ar stair na camógaíochta

Is scríbhneoir, drámadóir, agus aistritheoir é an léachtóir le UCD, Eoin McAvoy

Is alum de chuid UCD í an t-iriseoir le Tuairisc, Méabh Ní Thuathaláin

Eoin MacNéill: An Peann agus an Claidheamh leis an Ollamh Conor Mulvagh & Emer Purcells (Eag)