The Two Deaths
Author: unknown
Editor: Carl Marstrander
An electronic edition
view the header | view the translation | view Liber Flavus Fergusiorum on ISOS
p. 120.
(MS fol. 25a)
IS c[oir] a fhis tra conid foichlidhi do cachæn in dal derb
ocus an dal inn[derb .. a]ra chind .i. dail bais ar is derbh
a theacht inderb immorro cisi uair no cisi aimsir regthair.
IS foc[h]lighi do neoch an da muintir theguid do fhreasdul gach
[5] anma .i. muinter de co naille ocus aine ocus etrochta ocus
muinter diabuil cona duibi & cona taiscaire & a micomuirle.
A ... ituara ina næmscel imon caingin sin
amail indises Grigoir [næm] sin antan rabas oca fiarfaigid
de cindus deifir ata itir bas an peacaidh ocus bas in fireoin
[10] ‘Ni hansa’ ar se.
Bai araile manach næm (f. 25b) isin dithrib .xl. bliadan. Bai
seom fechtus ann im aine fri dia cora faillsighthi do
estecht anma peacaidh ocus fireóin. Daluidh an taingil iarum
cugai ina chodladh ocus asbert fris: ‘Daraga beist da piasduibh
[15] in dithribh cucad ambarach ocus gebuid eó do chochuill
ocus teis lee alleath gebus remat.’ Antan bai ann arnamarach
conacai in beist cuccai ocus gabuis ói a cochuill ocus
luidh iarum isin dithreb amach ocus bai ag sibul an læi ocus na
haidhche dadaid con medon. Conaccai iarum an cathraigh moir
[20] ara cind. Luidh dano dochum na heglaisi ocus do thimcoll martra.
Conacca tercomrag an pobuil tar lar na cathreach dochum
næmtaigi isin cathraig ocus caindel ciartha adantai illaim gach
fir. Luidh a ndegaidh an pobuil dochum an tigi hisin. Conaccai
inni airchinnech ina cathrach fri timna bais isin taig.
[25] Deisidar ann. Conaccai anni dothætt an satan isa teach
p. 122.
ocus ael trefiaclach teinntighi ina laimh. Foceird beadg de
co mbai for bruinnibh an fir bai isin galur ocus imasai ar
tuaithbel fo thri fair. Nicon tarfas annisin do neoch don
pobul bai isin teghthais acht don oglach ut nama. Co cuala
[30] guth de[n] fir sin soim santach: ‘Uair nocha dernuis mo riar
sa a anim anfeachtnach sa fri re nænuaire cidh itir dobersa
péin suthuin duittsiu indsin.’ Antan iarum tigeatt an anim
co beolu ind fir. Dobereadh an satan fuasma da næl
dia saighid co teitheadh in anim isin corp doriisid. Aen na
[35] fecht ann tra clandais in satan in [næl] trefiaclach fo leithchich
cle don duine ocus dussreanga in ainim asin corp for lar. Ba
duibithir fiach hi ocus ba he an cetna labradh na hanma iar
tuidheacht asin chorp: ‘Magna sunt tenebre.’ Friscair an
satan co neabuirt: ‘Maioreis tibi restant.’ Gabuis an
[40] anmuin iarum ana laimh ocus doching for lar in taighi co
naccai. ISe labra tanuisti na hanma: ‘Arduum iter.’
Friscair in satan: ‘Altiores tibi restant.’ ISe an treas
labra na hanma: ‘Magna sunt angustia.’ Friscair an
Satan: ‘Maiores tibi restant.’ Tig iarum in ainim tuaithbel
[45] an cuirp mallachuis do. Luid iarum for dorus in taighi.
Nosfrithaileatt iarum sluaigh na ndeamna ocus focertatt
gair impi ocus dogníad di buigin dib imon ainim .i. buidean
reimpi ocus buiduin na diaidh ocus canuid coir impi .i. ‘Quid
gloriaris in malicias’ ocus conocbat in ainmuin uad tarsin
[50] caithrig an fedh russiacht a suile ocus badar in aingil o[c] cai
ocus oc bron ocus ni lodar a focharuib na hanma &c.
Luidh iarum an fear asin tigh ocus dothætt an pheist ara
ceann. Luidh iarum co teach bai i nimfogus na cathrach.
Luidh iarsuidhiu isin teach. Conaccai in ainim fo brechtaidhi
[55] dia ndeachadar a baill ocus feraid isi failti fris ocus dofeisidh
isin teaghuis. Conaccai inni Míchel aingil ocus Gabrial na
ndochum ocus luidh Micel dochum an adhuirt i nimdaidh a
roime in trogh. Asbert Micel: ‘Cad na tuc an anmuin
asa corp?’ IS ann congart Micel na do .. dixit domine
[60] noster adquiescat nobis anima ista. Dixit dominus ei ...
ce omnes psallentes hierum cum omni genere muci ... exe .
p. 124.
dierit anima ista psalmodium tunc siliet sr.... Co[cuala]dar
iarsuidhiu claiscedul muintiri neimi dochum na teag[thuis]i
& .dd. cona cruitt orda rempu. Antan dochualaidh (f. 25c) an
[65] ainim na ceola sisin doling for bruinne in fir ocus ba cometrocht
fri grein robai. A cedna labra na hanma: ‘Magna est lux ista.’
Asbert an taingil: ‘Maiores tibi erunt.’ ISe an lobra
tanuisde na hanma: ‘Plane sunt uiae.’ Asbert an taingil:
‘Planiores erunt tibi.’ ISe an treas labra na hanma:
[70] ‘Latae uiae sunt.’ Asbert an taingil: ‘Latiores tibi erunt.’
Docoid iarum an pecach dochum ifirn la droing ndemna.
Docoid in firen immorro dochum neimhe la claisceadul aingeal.
Tainic immorro an manach dia thigh iarsin ocus adfed dona
brathrib annísin amail donarfhas do tria thimthiracht diada.
[75] Connach cubaid da duine tarcaisne ar duine eile ar deireolacht
a pearsuinne acht cor bad maithi a gnima. Ar is o gnimaibh
thogus dia neoch.
© 2007 Thesaurus Linguae Hibernicae