Colum Cille in Arann
Author: unknown
Editor: Kuno Meyer
An electronic edition
view the header | view the translation | view MS Rawlinson B 512 on Early Manuscripts at Oxford University
p. 162.
Laa n-aen tánic Colam Cille timchell
reilge Airne, co facaidh int adhnacul arsaidh
acus in cloch nemhghluaiste acus ro fhiarfaigh
Colam Cille: ‘Cia ro hadhnaicedh fón
lic?’ ar sé. ‘Ní fhedamur,’ ar siat, ‘acus
ní chualamur romhainn.’ Ro fhoillsigh didiu
Dia dó-sum sin tré rath fesa acus faisdine,
acus atbert in rann:
‘A Baithin, anam colléic,
Gatas in Talgaeth salgair,
Is anam go madain ann
Ac abaid Iarusailim.’
Ba fír dó-som sin, ar ba hé Talgaeth
sin .i. ab Iarusailim tánic dia ailithre ó
Iarusailem co hArainn a n-aimsir Ende
acus na naemh archena, co fuair bás a
n-Arainn. Ro hadhnaicedh innti iardain, go
tarfas do Cholam Chille a adhnacul an abad
naimh tre rath faistine Dé.
© 2008 Thesaurus Linguae Hibernicae