Manach cráibthech
Author: unknown
Editor: Kuno Meyer
An electronic edition
view the header | view the translation | view MS Rawlinson B 512 on Early Manuscripts at Oxford University
p. 229.
Manach cráibthech tánic tairis anoir do
chomsinedh crábaid re Comgall Bennchair,
ocus gach crábad doníd Comgall, doníd
in Gallmanach a letheit, go n-dechaid Comgall
isin sruth .i. isin abainn do gabáil a
shalm, ocus dochóidh in manach tánic anoir
isin sruth cétna. In uair nobíd isin leth
anúas do Chomgall, ní fhuilnged in manach
la mét a tes in usci. An tan no bíd a leth
anís do Chomgall, ní fhodaimedh in manach la
mét an fuachta. Conid de sin nar fét
coimsinedh crábaid re Comgall.
© 2008 Thesaurus Linguae Hibernicae