Táin Bó Fráich
Author: unknown
Editor: Kuno Meyer
An electronic edition
p. 32.
(MS fol. 82b)
1. [F]raech macc Fiduig di Chunnoctuib. Mac
side do Uhebinn a sidib. Deirbfhiur sidi do Boinn. Is he læch
is aillium robui di feruib Herinn & Albun, acht ni rop
suthuin namma. Dobert hi mathair di ba .x. do assiduib,
[5] ate finno audergo. Pui trebad occo gu cenn secht mbliadan
gin taubuirt mna chuco. Coica mac rig, rub e lin a htegluid,
comóeso cutrummu frissium uili itir cruth ocus chell &
eccuscc.
2. Carthui Finnabair ingiun Ailello & Medbv asa
[10] hairsgeluib. Atfiador do-sum oco thich innisin. Ropu lán
Heriu & Albu dia alluth ogus dia sgeluib. Iar suidiu dochorustar
fair dul do accalluim ina hinginiv. (f. 83a) Imroraith iarum
fria muinntir innisin. ‘Tiagar uait didiu’ ol a muinnter, ‘got
fiar, co tucthar ni do etuch duit & do escrimimm sidi uaidi.’
3. Luid iarum co hsiair gu Bouinn, co mbui hi Maig Breg
& dobert cæco mbrat ndubgormm huaide & ba cosmuil gach
p. 33.
ae fria druimni dúile & ceteoro hou dubglasa for cech mbrat
ocus milech dergoir ba cech mbrat & cæco leni mbangeal
gu tuagmiluib oir impo ocus cæcoit sgiath gu mbilib oir
impu, ossiat budein d’arcut & cainnil righthigi hillaim cech
[5] fir & cæco semunn finnbruine ar gach ai & cæco toruct di
or forloscc[th]i im gach ai. Eirmiuda di charrmogul fouib
innis & do lecuib logmaru imderntai a n-auriairinn
nolastis inn-oidchi amail ruitni greni. & cæco claideb n-orduirn
leo & gabur dubglas fo suidi gach fir & bellgi oir friu huli.
[10] Moaillind oir & arccait gu cluiginib oir & argait fo braguit
gach e[i]ch dib & coica crann corcri gu snaithip arcuit estib
& gu siblannuib oir & arguit & gu cennmíluib oir ingantaig
foruib & cæco echlusg findruni co mbaccanuib ordo for cinn
gach echluisci ocus secht milco[i]n gu slabrathuib oir &
[15] aircit & ubull n-oir for gach ai. Brogu criedumae im gach
fer dib. Nocha raib dath nat mbeth issnaib conuib.
Morfeisiur cornuiri leo go cornuib oir & aircit & co n-etuigib
illdathachuib, co munguib orduib finnbude ocus gol-lentib
etrachtuib impuib. Batar tri drúid reimib co minnuib
[20] aircdigib fo dior for a g[c]ennuib. Sgeth gu fethluib condualo
la gach n-ai & go cirbachluib foruib & co n-esnaduib
credumo iarna toebuib. Triar cruiti co n-ecusc rig im
gach n-ae for a comuir.
p. 34.
4. Docomlat iarum do Cruachnaib gosin ecusc sin leo.
Dusndeco in dercuid don dun intan dodeochatar im-Mag
Cruachan. ‘Dirim atchiu-so don dun’, ol se, ‘inallin. O gabais
Ailill & Medb flath, nicustanic riam & niconusticfo dirim bus
[5] cæimi na bus aine. Is cumma lem bid i tulcumo fiono nobeth
imo cenn lassin ngaeth dothoet tairrsibh. Abuirt & abrasi
dogni in t-oglach fil ann, nicon facuso riam a chutruma.
Foceird a bunsuig rout n-aurcharo uád. Riasiu dofaethsat for
talmain, nusgabed na secht milcoin gusna secht slaprathuib
[10] arcuit batar ina comuir.’
5. Lasodain dontiagut in tslúaig i ndun Cruachan dia
ndeiscin. Imusmuchutd in doine iarum, conidapatar .xui.
fir dib oca ndeiscin. Tairlencuit i ndorus in duine. Sguirsit
ind-eochu ann & lecit a miolcono. Dosennat secht n-aide
[15] do raith Cruachan & secht sinnuig & secht miolu muigi & secht
turco alto, conrubatar ind oicc issind aurlainn in duine. Is
iarsin tra focertat a miolcoin aitherruch bedg (f. 83b) issin
mBreit. Gabuit secht ndobarchoina (sic)
inde & dosinmbertatar (sic)
leo dochum na hardo cetno i ndorus ina primratha.
6. Deisitar hi suidiu. Dotiagar ond rig dia n-accalluim
& imchomuircter sgela doib dus cia ba chan doib. A
ndosluinnet ina sluinntib firuib, a n-usmbertatar iarum:
‘Fraech mac Idhuidh inn so’, ol set. Raidti inni sin frissind
rig & frissind rignai. ‘Fochen duib sunn!’, ol Ailill & Medb.
[25] ‘Toet isind les!’ Dollecther doib iarum cethruimthiv in tigi.
7. Ed a ecusc in tigi hisin. Secht n-imdadae ordoi
p. 35.
ann o thenid go fraigid issin tig imma gcuairt. Airinuch do
credumo for gach imdaid. Aursgartad do dergibur fo mbrectrad
cain huili. Tri steill credumo i n-aulaid gacha himdo. Sect
steill humuidi in damdabuid co clethe isin tig. Do gius
[5] dognithi i tech & ba tuga slinntech bui fair dianechtair.
Batar .xui. senestrecha isin tig & comlui humai ar gach
sinestri. Cuing humai tarsa forles. Cetheorai ochtgai
humai for imdo Ailello & Medba. Imdernad side do umo
credo ule, ossi hi certmedon. Da airinach arguit impi fo
[10] diorad airgit. As in airinach rosaded midlissa in tige & timchilled
in tech imagcuairt on dorus dialaili immedon.
8. Airacbat a ngaisccida issin tig sin & setait ann
& fertair failte friu. ‘Fochen duib em!’ ol Ailill & Medb.
‘Is
ed doroachtamar’, ol Fraech. ‘Ni bad aurasa baig on’, ol
[15] Medb em. Imbrid Medb & Ailill fi[d]chill collec iarum.
Geibid Fraech didiu imbert fi[d]chilli fria fer dia muinntir.
Ba cainside iarum in fi[d]chell .i. clar findruine ann co ceteoraip
auip & huilnib oir. Cainniul do lig logmar og fursannad doib.
Or & arccat ind fairind bui forsin ghclar. ‘Aurgnaid biad dona
[20] hoguib!’ ol Ailill. ‘Ni ed is accobar lemb’, ol Medb, ‘acht tect
do imbirt na fi[d]chilli tall fri Fraech.’ ‘Is maith limmb-so em’,
ol Ailill, ‘cia thesi do’. Tet go Fraech iarum Medb &
imbert a fi[d]chiull iarum ocus Fraech.
9. Bui a muinnter-side gollec og fuini na fiadmil.
p. 36.
‘Sennuit do cruiti dun tra gollec!’ ol Ailill fri Fraech.
‘Sennuid dono!’ ol Fraech. Crotbuilg do croiccnib dobarchon
impu cona n-imdenum do fpartuing. Imdenum di or & arccat.
Bian fherbbad impuib ammedon, ba gilithir snecta. Stella
[5] dubglasso impu & bruit lin. Gilithir fuan ngeisi ina teta.
Crota di or & arccut & findruine co n-delbuib nathrach & en
& milcon di or & arccut. Amail nogluaistis na teta sin, imrethitis
na delba sin iarum imna firu imagcuairtt. Sennuit doib iarum
co n-apatar .xii. fer do muintir Ailello & Medba la cui
[10] & toirsi.
10. Ba binn iarum in triar so & batir cain huaitni
in sin. Is he in triar airdirc. Tri derbrathri a triur .i.
Gentraige & Golltraige & Suantraige. Bounn a síduib a
mathair a triur & is din cheol sin (f. 85a) sephuin Huaithne
[15] cruit in Dagdo anind ainmnigther a triar. & is din cheol
intan mbui in ben og lamnad, ba gol & maircc lee geri i
na n-idan iss tossach; ba gen & gaire & failte ara bith
ar medon ar imtoltain inda mac do brith; bao suan & algeni
arapete in mac degenuch ar thrumma ina brithi, conid de
[20] rohai[n]mnigiuth trian in chiuil. Dofiussaig iarum asin suan in
Bouinn. ‘Aurfoim-siu’, ol si, ‘do tri maccu, a Huaitne lanbrothai,
fobith fili suantraige & gentraige ocus golltraige ar
buaib sceo mnaib dothoethsat la Meidb & Ailill. Atbelat fir la
cluais ngessa doib.’
11. Anad don tshenmaim iarsind rigtig. ‘Is segonnd
donfainicc’, ol Fergus. ‘Fogluith dun i mbiad tainicc isa
p. 37.
tech!’, ol Fraech. Doching Lothar for lar in tige. Fodaili
doib i mbiad n-isin. For a dernuind iarum norannad gach
n-agho cona claidium & ni aithleth feoil na tunn do. Ó
gabuiss ronnairect, ni airchiuir biad fo a laim riam og ruinn.
[5] Batar tri la ocus teora hoidchi iarum oc imbirt fi[d]chilli Medb
& Fraech la himiuth na liag lógmar hi tegluch Fraich. Iarsin
adngladustar Fraech inní Meidb. ‘Is maith rogabus friut tra’,
ol se, ‘ni biur do thochaill, na beth meth n-enig duit and’.
‘O ’tú-sa issin dun sa’, ol Medb, ‘is ed laithi inn so is siaam
[10] limb ann riam.’ ‘Dethbir on em’
, ol Fraech, ‘atat tri la &
teora haidchi iarum oc imbirt na fi[d]chilli.’
12. Lasoduin atraig Medp suas. Ba mebul le bith
dona hoguib gan biad. Luid Medb iarum go hA[i]lill ocus raiti
friss. ‘Morgnim dorigensum’, ol si, ‘ind oicc innechtair gin biad
[15] dotimbirt fi[d]chilli’. Aspert Ailill: ‘Ní derban ind fodail dia
muintir-sim sethnu in tige.’ ‘Ataat tri laa & teora haidchi ann’
,
ol si, ‘acht nad [ai]rigamar in oidchi la banshoillsi na leg logmar
issin tig.’ ‘Abraid friu tra’, ol Ailill, ‘anait dona cainib dogniat,
co fordailter biad doib.’ Foduilter dóib íarum a mbíad
[20] & ba maith romboth friu & ansuit ann tri laa & teora haidchi
forsin fledugud sin. Iarsin tra conaccrad Fraech isa tech
n-imacallmo co hAilill & co Meidb & imcæmsus dou cid
donuco. ‘Is maith lemb em’ ol seiside, ‘ceilide lib-si.’ ‘Ni
holcc eim laisin teglach for ngnaisi’, ol Ailill. ‘Is ferr
[25] for tormach oldaas for ndígbail.’
‘Anfim-ne lib didu’, ol Fraech
p. 38.
‘nach sechtmuin n-ale.’ Anuit iarum go cenn coigtigis issin
dun & tofhphunn gach lai doib dochum in duine.
(f. 85b)
13. Dosaigtis Connachto iarum. Ba himned la
Fræch dono nempaccallam ina hingine. Sech ba he less dodmbert
[5] sainruth. Laithe ann adraiss dead oidche do innlot
a lam don tiprait. Is e tan doluid si d’innlot allám & a
hinuilt don tiprait cetna. Gaibid sium lasoduin al-láma-si.
‘An frimb accallaim!’ ol se. ‘Is tu doroachtamar.’
‘Is fochen
lim-so’, ol in ingen, ‘mad conissuinn. Ni cumguimb ni duit.’
[10] ‘Ceist, ind elife lim-so?’
ol Fræch. ‘Ni elub em’, ol si, ‘uair
im ingen rig & rigna. Ni fil dano did dai[d]bri-siu nachiméta-so
om muntir & bid e mo thoga-su dano dul chucat-sa, ar
is ed rocharus, & beir-si let ind órnaisc si,’ ol ind ingen,
‘&
bid e comart[h]a bes etruinn dogrés.’ ‘Dorad mo mathair
[15] dam-so,’ ol si, ‘hi taiscith & itbér iss cor roslaus
immudo.’
14. Tetd iarum cectar de ao lethi iarsin. ‘Atágur-sa
em’, ol Ailill, ‘elúd ina hingene ugat la Fraech.’ ‘Ce dobertha
do em, ni pa amudu’, ol Medb, ‘& dothaisiudh inar ndochum
[20] cona ceithri do chobuir dun occin tain.’
Dothæt iarum Fraech
cucca isitech n-imacallma. ‘In fil cogur lip?’ ol Fraech.
‘Cid
coccur, dothuillfe-si ann cetamus’
, al se Ailill. ‘In
tipra dam-so for n-ingen?’ ol Fraech. Immanaiccet in
tslúaig iarum. ‘Dobérthar em doid’, ol Ailill,
‘dia
[25] tuccuid a tinnscra dam amuil asbér.’ ‘Rodbia eim’, ol
p. 39.
Fraech. ‘Tri fichit ech ndubglass dam-so’, ol Ailill, ‘cona
mbelgimb oir & arccait friu & da laulaig dec o mel[g]tar ol
n-aiss cóica[t] gach ai & tuidecht linn cod lin uli & cot æs
ciuil do tain bo Cuailnge. & dobért[h]ar m’ingen-si duit acht
[5] go tisium don tslúaigid.’
‘Dotong-si em darm sgiath & darm
claidim & darm trelum’, ol Fraech, ‘ni tibur-so in tinnscra
sinee cid ar Meidb Cruachan feissin.’
15. Doching huaidib iaram asin tig ammach. Imusnaicillet
iarum Ailill & Medb dia eis isin tig co n-ebartatar:
[10]
‘Forbeba sochaide imunn do riga & tigernuigi Herinn,
dia ndoruccad som ind ingin. Anni is maith ann’, ol in
slúag, ‘foipremm ina ndeguid & marbam fochétoir riasiu
forroma bine forn.’ ‘Is liach on’, ol Medb, ‘& is meth n-einig
duinn inni sin.’ ‘Ni ba meth n-enigh’ ol Ailill, ‘tucht ara
[15] ndalfar-so.’
16. Dotæt Ailill & Medb ina rigtech. ‘Tiagam as tra
hi fecht si’, or Ailill, ‘co n-accomur na milconu og tofhphunn
gu medon lai & gu mbat scithe.’ Tiaguid as iarum dochum
na habunn dia fhothracud. ‘Adfiadar dam’
, ol Ailill,
‘at
[20] maith-si ind-usci, a Fraech’
, ol se.
‘Tair isind lindid si co
n-acamar do snam.’
‘Cinnas na linni si?’ ol se.
‘Ni fetamar
nach ndoduingg (f. 86a) inne’
, ol Ailill, ‘& iss coimtig fothracad
inne.’ Gatuid Fraech a etach nde iarum ocus tet issin
linnid & faguib a criss tuas for tir. Assolgi Ailill
[25] iarum a bosan dia eis & fogeb inn ornuaiscc ann & atageoin
Ailill iarum. ‘Tair ille cein’
, ar Ailill, ‘a Medb!’
Dotæt
Medb iarum co hairm a mbui Ailill & toguib ind ornaisc di.
p. 40.
‘In aithgein sin?’ ol Ailill. ‘Athgiuin ecin’, ar Medb. Focerd
Ailill isind abuinn sis. Roairigestar Fraech iarum inní sin. Co
n-aco ní, dolebluing ind ecne ar a cenn & gabsus ina uheolu.
Focerd iarum Fraech bedg gusind ecne & gaibid & brissis a
[5] geolbach & tucc lais dochum tiri & domber im-maigin díamuir i
mbruach na habunn. Dotæt iarum do htecht assind uscci.
17. ‘Na tair assind usci’, ol A[i]lill, ‘go dtuco craeib dam
don chairthend tall fil imm-bruach na haband. It ailli lemb
a choera.’ Tet sium ass iarum go rainicc in carthenn sin &
[10] brisis gesco don chrunn sin & dombeir fria ais tarsind usci for
cula. Ba hed iarum athesc Finnabrach nach n-aluinn atchíd,
ba haille le Fraech do fhaiscin tar duiblinn imm-Bræ .i. in
corp do rogili & in folt do roailli & in agaid do chumtachta ocus
in tshuil do roglaisi, osse maethoclach gin locht, gin ainimm co
[15] n-aghaid fhochoil forlethuin, ose diriuch diainimm. In cráeb
gusna caeruibh itir in mbráguid ngil. Is ed sin adberiud
Finnabair: ‘Nico n-acco ni rosaisiud leth nó trian dia cruth.’
18. Iarsine docuirither doib assind usci. ‘It segda &
it ailliu ana cæra. Tug tormmuch dam dib!’ ol Ailill.
[20] Teid ass iarum co mbui immedon in linni. Gaibt[h]i in
béist assind uscce. ‘Domiciuth claidem uaib!’ ol Fraech.
‘Romgab in uhéist!’ ol se. Ni raibi forsin tir rolamud
claidim dó ar omun Ailello & Medba. Iar sin tra gatuid
Finnabair a hetach di & foceird bedg issinn usci cona claidim
[25] dó. Doleci Ailill sleg choigrinn di inuas rout n-orchuro,
co ndechaid tria a di trilis & condorogaib Fraech ina laim in slig.
Foscuiri suas for tir in slig & in mil ina choib (sic) golleig.
p. 41.
Lecid son forgabal cinele n-airberta gaiscid la hoga, gu
luid triasin tlacht corcra & triasin léniu bui im Aillill. Laissin
gonerget ind oig imm Ailill. Dotæt Finnabair asinn usci
iarum & facuib in claidim la Fraech & am-mil doigsin (sic)
[5] a chenn de gu mbui for a thoib & dombert im-mil leis dochum
thiri. Is de ata Duiblinn Fráich i mBrę hi tirib Connacht.
19. Tet Ailill & Medb ina dún iarum. ‘Mor in gnim
dorigensum’, ol Medb. ‘Is ar n-aithrech’, ol Ailill, ‘a ndorigensam
frissin fer, ol ni cinntach. Inn ingen tra’, ol se, ‘at-beluit
[10] (f. 86b) a beoil-side immarach do agaid & ni ba cin
mbrethi in claidim mbethir dii. Dentar fothracud lib tra don
fir so!’ ol Ailill, ‘.i. enbraithi urshailli & carna samaisce do
imarcain fo thal ocus biail & a thabuirt issin fothraccud.’
Dognither amail aspert side.
20. A chornuiri iarum riam-som dochum in duini.
Sennuit idi conidapad tricha fer do shainchæmaib Ailello &
Medba ar sirachti. Dotaet iarum isin dun & tet issin fothraccud
dognith & dobreth ass & cotnerig in banchuri imbi oc
in dabuig dia mblith & dia folctad a chinn iarum & dognith
[20] derguth do. Co gcualatar an golguiri for Cruachnuib ina
farrad co facus na tri cóicait ban cona n-inaruib corcruib, gu
cenbarruib huánidib gu mílechaib arccait for a ndoitib. Tiagur
chuco do fis sgél cid rochæinsit. ‘Fræch mac Idhaidh eim’, ol
in uhen, ‘mac dreitill ri side Hérinn.’ Laissin docluinethar
[25] Fraech in gol sin. ‘Domocbaid!’ ol se fria a muinntir.
Gol mo mathar-si in so & na mban mBoinni. Tecabar
p. 42.
himach lasoduin & berar chuco immach. Dotiaguit na mna
imbi & berduit huaidib hissin gCruachuin. Co n-aiccit im
trath nona arnabarach dotæt chuco & cæco ban uimme, osse
ogshlan gin on, gin ainim, gin esbuid, comoesu comdelba comcrotha
[5] comalli co n-ecusc ban sidi impo, co na bui aichneo
neich secha araili dib. Bec nat muicht[h]e duini impu.
Scaruit i ndorus in liss. Adagad a ngol foa ac dul huad,
gurcorustar na duine batar isin lis dar a cend. Is de ata
golgairi mban sidi la haes ciuil Herinn.
21. Tet sium iarum issin dun. Atregat in tshluaig huili
iarum ar a chenn & feruit huili failti friss amail bid a doman
aili tisid. Atraig Ailill & Medb & dogniat aithrige do do neoch
dogniat friss & dogniat lanchori friss. Gaibther leo iarum
dadhaidh fledugud ina rigtig. Congairther Fraech cuigi
[15] oglach dia muintir & ispert friss:
‘Eirg’, ol se, ‘gusin
maigin i ndeochusai issind usci. Eccne forfagbusa ann, donuc
do Finnabair & erbad fodeisne fair & fonuigther in t-ecne
lee gu maith & ata ind ornaiscc immedon ind iaich. Is
doich lem co ndechar chuccat indocht.’ Gaibthis mesco
[20] iarum inní Ailill & Meidb & aruspetit ceolu & airfitiuith.
22. Aspert Ailill fria a rectaire: ‘Tucthar dam-sa mo
hseoit huili co n-acor.’ Dobretha do iarum a hseoit uile
co mbatar ar a uheluib. ‘Amra n-amra inn so!’ ol cach
p. 43.
uili sethnu in rígthige. ‘Gairid dam-so tra Finnabair do maig!’
ol Ailill. Dotæt Finnabair chucco & cæco ingen d’ingenuib rig
& tigernad impi di Connacht. ‘A ingen tra!’ ol Ailill, ‘ind
ornaiscc oir dombiurt-so.’
p. 45.
(f. 87a)
27. ar Conall
Cernach, ‘ar chonnailbi.’ ‘Aisnid ní dam diar n-imtechtaib!
Cinnas in tire dondancamar?’ ol se. ‘Tir nduaig n-uathmuir
em’, ol si, ‘c[o]n-occaib andsaib amandsib. Segait
[15] for gach leth do thabairt bo & ban & brat’, or sisi. ‘Cid is
nuidem tucsat?’ ol Fraech. ‘Bai Fraich maic Idhuidh a hiarthur
Herinn & a trí mic & a ben’, ol si.
‘Huinnsi a ben sunn
laisin ri ina dun. Ondat a bai dono isin tir ar uhar mbelaib.’
‘Donfairni im cobraid’, ol Conall. ‘Is bec mo cumang acht
[20] eolas namma’, ol si. ‘Is he Fraech inn so im chomuir-si’, ol
Conall, ‘& it he a bai & a ben & a micc tuctha ann.’ ‘In
tairisi lib-si in uhen?’
ol se. ‘Cid tairisi linn em intan
doluide huainn, bes ni tairisi iar tiachtuin sunn’, ol Fraech.
‘Is fir em’, ol sisi. ‘Is gairde a sesga ban. Ben tathaige na
[25] mbo, ergid a dochum, eprid fria for toich. Do feraib
[Herenn] a cenel, do Ultuib intshainnriuth.’
28. Tiagait co suidiu dano & ardogaibed & nodosluinnet di
& ferus failte friu. ‘Cichib foruireth?’
ol si. ‘Fonroireth
mor n-imniudh’, ol Conall. ‘Lenn robui na bai & na
p. 46.
maccu & in ben tuctha don dun sa’, ol Conall Cernach.
‘Nip sirsand duib em’, ol si, ‘anní sin dol fo dirim na mna.
Annsa duib gach ret’, ol si,
‘in nathuir fil oc imdeguil in duini.’
‘Nimthirim frissin mnai sin’, ol Fraech, ‘a tairisi linn.
[5] Rofhetamair-ne ni mera, huair is di Ultuib duinn.’ ‘Can do
Ultaib doib?’ ol si. ‘Conall Cernach him fharrud sunn’, ol
Fraech, ‘laech is dech fili la hUltu’, ol se. Foceird iarum di
laim im bragit Conaill Chernaig. ‘Resi in orguin hifechta’,
ol si,
‘huaire donanicc-si, a Chonaill, oir is do suidi dorairngered
[10] orguin in dúini si. Tiagu-sa as tra’, ol si, ‘dom thaig
& ni dingen bleogan na mbo inocht etir & atbér is deol
rodentar in loig & fuiceb-sa inn less obela ar bar cinn-si,
dec is me nodniado dogrés gach n-oidchi. Tiastai-si
isin dun, acht comtabeitd oic in duine’, ol sí. ‘Is annsa duib
[15] namma in nathir fili oc in dun. Dolecthar illth[uath]a
di’, ol si. ‘Regma amin tra’, ol Conall, ‘cibed bias nde.’
29. Fopred iarum in dun trath di aidchi. Foceird bedg
ind [n]athir co mbui a cris Conaill Chernaig ina cotlud. Orgait
in dun iarum fochétoir. Doesarcat iarum in mnai & na tri
[20] maccu & doberat in is dech sét in duine leo & lecid Conall in
[n]athraig asa chris iarsin & ni dergene nectar n-ai olc fri
anali.
30. Ocus lotar iarsin hi crich Cruithintuaithe, co tucsatar
p. 47.
as tri ba dia mbó[aib] (f. 87b) batar ann, co tulatar
ass anair sech Dun Ollaich maic Briuin dar muir anair i
nAird hua nEchtach. Is annsin atbath Bice mac Loegaire
gilla Conaill Chernaig oc timain na mbo sin tairis anair. Is de
[5] ata Inber mBici oc Bennchur hUlad. & co tucsat a mbu tairis
ille. Et iss annsin rolasit a n-adarco dib oc tracht Benncuir,
conid [d]e ata Tracht mBenncuir annsin.
31. Luid Fraech as iarum dia crich fen & a uhen & a micc
& a bai. Luid dono Conall Cernach dia comairge connarruith
[10] Ailill & Meidb hi Tailltin og brith na mbo a Cuailngiu. Conid
é tres ndirími na tana in romarb Conall hi Tailtin himmalle fria
hAmorgene. Atberat in eolaig immorro ni tanuicc Conall anair
annsin, acht iss ann bui ar in orguin tair oc Sleib Elpo immalle
fri Fraech gen romboth ar in tain bo Cuailngi i nHerinn. Finit.
© 2007 Thesaurus Linguae Hibernicae