Mac Coissi cecinit

Author: unknown

p. 269.

(MS p. 6)

1. Abair dam-sa re Derbail, tagair re hinghin Taidg tuaith,
na denadh díthre di..., ni le féin an frithe fuair.

2. Na ferad debaid re Dia, ré Ríg belaigh betha cé,
adradh don tslicht for atu... ... donneach nar le.

3. Leigedh an rigan a rec[h]t, tr[eiged] bith brecht is a bruc,
ge caine gach ben a mac, antí dorat as e ruc.

4. Car doilge [le] inghin Taidg éc Aodha aird, aidhble uird,
ina d’Echtaigh a bás bróin Corbmaic hui Cuinn o [Maig Luirg.]

5. Ocus is luga roleth cumha dar Saidb, soillsi a dath,
la iar tuitim Eogain uill ocus Airt maic [Chuinn] hi ccath.

6. Nochar isligh Bebinn blaith faidh a guil gnaith risin ngeicc,
dar’ marbh Cuc[h]ulainn grinn ... a mac Fræch for Linn fhinn Féicc.

7. Nocha lugha rocaoi in ben Caintigern da treb da sh ...
bás Mongain i nGartuir glain don ail doteilcc Artuir air.

8. Nocha ferr le rígn[ai] rain bas Lægaire meic nair Neill
in bhail itá lecht in læich roselt o gæith is ó ghr[éin].

9. Nir fherr le Fe[d]lim in mbeirt easbaidh Eirc, immain lé a mac,
dar’ thuit mac Coirpri ina f[uil] le Conall ar Muigh Bregh balc.

10. O’tcualaid Écuba in gnimh, de nocha derna snimh s[uaill],
don racheim rucc Eachtair án dar’ gabh fa gaibh Aicheil uair.

11. Cidh mor do maithribh mac righ rorathaigh cech gnimh cen gliaidh,
fada atathar ar a ráin dail a mathar ina ndiaidh.

12. Nach cualaidh Derbail dar Dia nach mo le Crist caidh co ceó1,
gémad grúg leis gach rígh rán na do ládh a drucht don feór?

13. Ni mo leis blath droigin duibh ocus cach do chur ’na chin,
itir tuile is traigh is tor ina duille da chor d’fidh,

14. Leiccedh a daghmac do Dia, bud hé fiach da n-adhradh í,
met gradha a meic lennaig le bud é méd a chennaigh dí.

p. 270.

15. Tabradh cro[i]s Crist dar a hucht, adradh don Righ darab ced,
seachnadh seach ifreann ngarbh ngrod go port na n-apstal ’s na n-abb. Abair.