Cid maith áine is irnaigthe
Author: unknown
Editor: Kuno Meyer
An electronic edition
view the header | view MS A9 on ISOS
p. 298.
Cid maith áine is irnaigthe, cid maith treiden is troscud,
is ferr ní do thidnacul ocus tenga do chostud.
Brigid dixit.
‘Bid maith fri foichill brátha na duine gnátha d’ingnais,
díscail céille din domun, cubus lobar, bec n-indmais.
Ní maith gorta, ní maith sáith na dechas da chlú do ráith:
dia mbat sáithech, clú cen brath, bidat úallach, adaltrach;
dia mbat goirt, bid fann do chlí fri háine, fri ernaigthi.
Mad comairle duit do ben, nítbia talam, nítbia nem:
is mairg tréces na huili ar grád anma óenduini.’
© 2008 Thesaurus Linguae Hibernicae