[Aislinge Meic Conglinne]
Author: unknown
Editor: Niall Brady
An electronic edition
(MS p. 732)
[1] [C]athal mac Findguine .i. ri mor muman co ngeire
[2] chon collongad chapaill. Loncrais ro boe inna medon. Sat
[3] an domeiled leis acuitigh. Aniar mac conglinde do
[4] lucht athana moire muru do .i. scolaige án do chuaidh
[5] ahathain muru for coairt ererd. A tir Eoghain. inairgiallaibh
[6] co hard machu dar sliab fuait. Dar magh muirteimne
[7] hi cremtaine hi crich rois immullach taillten. Oenscoloc
[8] maroen fris .i. mac na cairrea. Lotar di cenandus. Batar oidchi
[9] cen biad isin daimliac. Iar na marach isbert mac conglinde
[10] ifiedniuse an pobail. Ascoloc cid na denom da camrand. den
[11] asa rann ar aran digensa rand ar andland. Reccmait ales
[12] ar mac na cairre ocus sind nartroscad consamadsa irair. Do
[13] riecht doethain .xx.et dilind occus di biud doib rie noidqi
[14] Lotor ierna bar(m)ach for fud fermidi dar mullach nuisnig
[15] do dermaig coluim cille atir nell. dar sliab bladmu. IN ele siar
[16] dar clar na muman. Dar machaire na cliach illuachair deghadh.
[17] IS and ro bator fir muman na mbuidnib ic dol do corcaigh moir
[18] muman iar feil bairre occus nessain .i. di troscud diberainn com
[19] airle maith det amic conglinne ar mac na cairrea ar daigh
[20] co fagbam bied icorcaig .i. abram is fer dana thusa & ni
[21] lemtor ar mbet cen bied. dogentor or mac conglinde. At
[22] nagat itech naoided corcaighe. Sondcu morai ro boi istoigh
[23] Ticc imach ocus dibeir cor da mac nacairrea isin tonnaig cor anaic
[24] mac conglindi. Atbert maincin .i. ab corcaige finntor in
[25] fail nech istoig aided in .uííí. dienat ail proind di caith
[26] emh. Luidh mac cleirech die hfis. IN fail nach oen sunda ar
[27] .uí. Ni maith irraidie armac na cairrea. Ata ollam maith and
[28] ocus ni maith afrithalom occaibsi. Ecnaigfid indeglais
[29] aris cien o acenel adiu. Atfet in maccleirech di maincin an
[30] scel sin. Ataither tene do glas craibech doib iertain occus
(p. 733)
[1] beror cuachan corcu doib. is ann isbert mac conglindi Cobrath nocha
[2] nisaindsi. acht maine bein rigortæ. cuachan corca corcaigi. cuachan corcaigi corcæ.
[3] Atfet intechtaire di maincin sin. Na maccleirich immach ol m
[4] ainchin occus cuimrighter in fer danai cor ro crochtar imbarach
[5] icinaidh aire nahegailsi. Gabair tra mac conglinde occus berair
[6] ierna cengal co mainqin. NI mo qenn duit ol maincin. not
[7] crochfaider imbarach icinaid na haoire. Ascaid dam a deg duine
[8] or mac conglindi ar bairre asa feil indocht. Ciahascaid on or main
[9] cin. ni ansa or mac conglinde. Mo daothain lendu occus bid & di lepaid si cona
[10] hetach toib etir colcaid occus brotraig. diber sai ar inerlam sin
[11] ar maincin. Luidis mac conglindi ier caithem ifolartnaige
[12] dilind occus biud & láighis suan trom fair conacai cuice indcleirech
[13] ina cotlad. Lend finn imbiu. Delcc oírand. lene mor sitchu
[14] re gelchnes do. putrall findliath forchas fair. Maith a
[15] truaig olse is maith cotlai occus tu ocernaidi bais. Cia at
[16] atcomnaicsi armac conglinne. Muru olsi. is do tanac dotcobairsi
[17] Cisi cobair on or mac conglinne Memraigh indaislingisi or .ui. & indis
[18] ifiednuse cathail inrigh ocus soerfu he donginaig is and ro can
[19] muru inaislinge occus ba mebair laisim. berairsem ierom da
[20] crochad ierna baroch co hairecht fer muman .i. du irraibhe
[21] cathal & maithi fer muman. IS bert cathal na crochfaide
[22] bard laiss acht do gnetis fein na clerich daig isiet ro fitir a
[23] egoir. Ascaid damsa achathail armac conglinde ocus amaithe
[24] muman cieisi hascaid on or cathal. Mo hsaith de usci occus me fein
[25] da dail form ar mac conglinne dobertor detsi sin or cathal. beror mac con
[26] glinde dicum natiprait occus leigis (dirinn in) faon & benais a delcc
[27] asa brut ocus tumais isin tiprait occus leigis dirinn indeilge
[28] inusin ina beul. INdister di chathal leicter dal co matain
[29] do or cathal. Luid cathal indaidqi sin co tech pichan maic maoil finn
[30] & luid mac conglinne comboi and aracind. diberor a airigid uball
(p. 734)
[1] do cathal. At naig mac conglinne ag fas cocnom agaid indaghaid fri
[2] cathal. Cid sin afir dana or cathal. Narlem ri muman oclong
[3] adh aoenar ar mac conglinne. di beir cathal uball do nifarcbadh
[4] oen do mes ar mac conglinne. dibeir uball aile do. Airim na trino
[5] ti ar mac conglinne. Do beir in tres nuball do. Cethor lebair in
[6] tsoiscela ar mac conglindi. dibeir in cethramad nupull do. Cuic lebair
[7] maoisi ar mac congglinde. do beir in cuiced nuball do. Se
[8] haosai intsaogail ar mac conglinne. do beir in seisedh nuball do.
[9] naoi ngrada na hegalsa nemdai ar mac conglinne. di beir in nomad nuball dóu
[10] A Secht ndanu in spirta naoib armac conglinne. do beir in sechtmad nuball dou
[11] Ochtmbiete intsoiscela armac conglinne. dibeir inochtmad nuball do
[12] indechmad grad nahegailsi talmandai ar mac conglinde. dibeir in
[13] x.madh nuball dó. Airem na napsdal ier nimorbus ar mac conglinne.
[14] do beir in naonmadh nuball .x. dó da apstal deg in coimded ar mac conglinne.
[15] dibeir in daru nuball .x. dou. Crist cend na napstal ar mac conglinne. di
[16] beir in tres nuball .x. dou. NI furail do so uile ar cathal icsre
[17] ud na seched lain di ublaid dintsluag occus atraig cach
[18] isin gribdail. Atbert mac conglinne ripichan mac mail find da
[19] leged do airichti cathail di lesugud ro bad feirde do fer
[20] aib muman. Fuaslaicter di mac conglinne for errudus pichain & nos
[21] fotraic & gabus fuatroic occus leinid ngil imbiu & ataidh
[22] tenid do feolomain uinnsend ifiednuse cathail cen diaigh
[23] cen cieig cen crithir .ix. ndoirsi fuirri occus dobertor .ix.
[24] mberu indfodai findcuild abun cuill do occus do bertor
[25] .iiii. aisle sensaille (etir cech da to ocht) occus da muic
[26] urai & do gni tochtu dib & do beir to ocht sensaille etir
[27] cech da to ocht ursaille occus to ocht ursaille etir cech da
[28] to ocht sensaille ierna nesred di mil & do salond. Cie
[29] etir eseom ol cathal. Duine iseolach di lesugud bid ar
[30] pichan Nach e inbard ol cathal. IS he immorro ol pichan
[31] ismaith lesaigter ol cathal. Tairced colluath dam mo
[32] biadh. Ascaid damsai a degduine ol mac conglinne re cathal
(p. 735)
[1] Ciahascaid on or cathal Cenlabrai dineoch aile istoig co tair
[2] damhsai aislingi atconnarcus arrair dindisin duitsi. di bertor
[3] or cathal & indis co luath & cipe laiberus crochfaider imbarach
[4] maroen ritsa. Andsin atbert mac conglinne
[5] Aislinge at condarc arráir. mo dul ar fecht dis no triur
[6] connacai ní in tech finn for lan. hirraibhi alommnan di biúdh
[7] A da ersaind boccæ brechtain. Alebend di gruth is dimm
[8] a imdadhæ di blonaic bladhaigh. sceit immdæ di thanaigh tim
[9] Fir fo sciatraib inda sciethæ sin. di maothail mellanaigh min
[10] fir cen tuicse gonæ gaoidil. gai gruitne cech aoin fir dibh
[11] Core romor lan do millsen. Dar lem ro lamus ris gleo
[12] braisech bruithe duillech. donn bán. lestor lomnan lan di ceo
[13] Tech sailli da fichet toebán. caolach caolán comge clann
[14] di cech bíad ba maith le duine. dar lem bator uile ann. A.
[15] Aislingi atconnarc arrair. ba cain gebenn
[16] ba balc brige cotarfas dam rige nerenn
[17] Conacai inles mbilech mbarrach ba saill sondach caisel carroch
[18] imme. dominsceillib tanai torrach
[19] Carna muc is de do ronta acolbæ cadlæ. suairc in sonba
[20] occus uaithne onba amræ ∞ ∞ ∞ blaith bric bendaig
[21] Amra in fis tarfas damh icinn mo tellaig fithqell imi conafhoirind
[22] Bendachad dia mo labralith cen taisi. ria techt damh isliab nimbe
[23] ro laad gille fomasæ. aislingi dia rabasai ierom acathail
[24] im imdai cain cumdachtæ conahuaithnib findruine cona
[25] barreib forordæ conacolbaid credumai conahosair urluachra
[26] cona colcaid clumdergand. conacherchaill clumdu. Cocuala
[27] in guth mo do chum. Eirc atruaig amic conglinne occus ni ro freg
[28] rusai indni sin. Deithbir on roboi do clithmairi mo leptu
[29] ocus do saidaile mo chuirp ocus dotreisi mo cudultu conepert
[30] diridisi. Fomna fomna amic conglinne beochail na rotrodba
[31] achucat insruth mbelu teich na rotbaide. Atraigimsi
[32] annside co hathlamh imedrum occus ni thairis fed cuil fromair
(p. 736)
[1] enach is he dene atrachtus conaca inscal mo dochum. Maith ol
[2] .ui. frim. Maith ol misi fris. Cia ata comnaic athruaigh ol
[3] anscal. Scolaide truag sund ol mesi occiarraidh aiccai ar chraos
[4] arithemraighe & ar itaid netualaing. Atruaigh ol se ata
[5] sund nech do berai eolas duit cosin ndaltoir nitha fail
[6] inniarthar na hecailsi icabastu for beluch bela i crich
[7] ua mochloingthe ifirdorus disirt indfaithlegai. Ciæ
[8] di comainm seo ar mac conglinne. Mesi ar se. IS tu ar mac conglinne. brucht
[9] tsalach mac buarandaig de ciniud ulgaib esomain ise fil
[10] cotagallaib doberi eolas duit. Atraigimsi andside amail ispert
[11] frim co direch dienmenmnach co tarpech tindesnech
[12] amail atreisid sindach do gleith aloingi nó dam allaid do
[13] gleith guirt cruith nechto nó aithechan do leith banrignæ
[14] & llotmur darcend sleibi imi connacamar incurchin beg
[15] bechlaighi bo shailli indeochar imill inlochai. Cona chodail
[16] geired. Cona rama do tiugtana tuirc conaeraiss ierslesa cona
[17] braine brechtain. Cona sesaib sensaille conasculmaire smerai
[18] conatoescan tainge. Bacosmail ierum in lestor illotmor. Im
[19] raimit dar loch lemnachta tar trethnaibh tremantæ tar
[20] bocanfad blaithche tar baitsiochaibh belæ tar ailenaibh
[21] maithul di chaircibh grothæ dinsibh druchtáin dar moirgrién
[22] milsein corragbomor port itir inpior imbe & slíebh ngrothæ
[23] ocus louch lombæ arbeuloibh beloighe criche uo mochloincthi hi
[24] fiordorus diseirt indfaith leghæ. Mac conglidni dixit:
[25] Aislingi domarfasu. taidbsi iongnad indisimm hi fiednusi caich. cur
[26] chan gered gertide hi purt lochæ lemnechtæ uas lind betha blaith
[27] Lotmor isin loech lestor loechdhæ in congaibh conaire dar bolcclenna
[28] lir. cor bensumm na seisbeimend dar moinciond inmurtrachtæ
[29] co tocradh amurtorad. murgrian amhail mil.
[30] Caomh in dunadh rancommar conarathaib ro brechtan risin louch anall
[31] pa himm ur aerdhrochot hi chaisiol ba gelcruithnecht ashonduch pa saill
[32] Ba suairc segdæ suidiogud. intigi treintrebordæ andechad iertain
(p. 736a)
[1] achomlæ di tiormcharno hitairsioch di turaran di maithail afraigh
[2] Uaithne slemna sencaisi sailge saille sugmairi serdais imosech
[3] Sesa segda sencroithe. fairci finn firgrotha folongtis in tech
[4] Tipra dfin na firierthor. aibne beore is brocaiti blasda cech lind
[5] lan. ler do braich braitlenda os bru topair treamanta dor roi darala
[6] Loch do braisic belaithi. fabarr uscu olardai etorra & muir. erbe
[7] inbe ocimaire fo cirblonce bratgile immonmur imuigh
[8] Ecor dablaibh firchumra fid conablath barrcorcra etorra & sliabh
[9] daire forard firlosai docainnind do cerrbacan ar cul tighe tiar
[10] Muinterenich inicin docaib dercaib tendsadcib im tenig istaigh
[11] .uii. nallsmaind secht nepistle do chaisibh do choelanaib fo pragait gach fir
[12] Atconnarc indaircindech conabrotraig bosaille ma mnai miadaigh mais
[13] atconndarc inluchtaire osinber indardcoire sa æl ria ais
[14] Cathal maith mac findguine fo fer dianat airfited airscela bidbrais
[15] maith in monar aonuaire is aoibinn riaindisin imram lupe laochles
[16] tor dar ler locha ais. AIS. Lodmor ier sin itochor taith hi
[17] craibech ngeired. hicepaig sensaille Assaidh indubcheo usc
[18] aide immund conacuingenmair nem na talmain no áit itibremais
[19] ar coir cotarlai buille dom cul frisinelaitgrotha bricnói. Beg
[20] nach dearna slicrig do cnamaib mo cloicne SInim mo lámh
[21] remom do athergi conamtarlai etir mescana urime co bac
[22] muillea. Conaca ugadart gilla infaithlegai icgabail eisc illoch
[23] lain lemnachta cona duban smera cona riamnaigh uscai. Cona slait
[24] geired. FECHT and bahecne sensaille do bered anis. FECHT aile
[25] ba heicne bosaille nogebed lorcmaiti mor di dondmaroicc
[26] bruithe nalaim. Ised nogebed doib combitis icclesemnaig fa
[27] cosaib for inlepend grotha. Canas tici atruaig olingillai
[28] A cein afocraib ar misi fris. Cidsaige olse. saigim indisertach
[29] olmeisi Fris. A thruaig olse isitaneolach NI roiche indocht
[30] indisertach. ACHT geiblongport etir sliab imme occus loch naiss
[31] taiged re sliab nimme & di chul re sliabh tainge fo bun croind
[32] croithe ifferta cruind mese imblenai guirt cruithnechtai
(p. 737)
[1] faidhithir techtæ óait co toisechutuath mbid cor gabat
[2] di comairci artromtonnaibh beladaigh narotbaidet. tecat dit
[3] frithailem ni drochtoisc dóib & dum cetgnúisid ata comm
[4] naic isind ailensa itanaic Gabaimse longport etir sliab nimme
[5] ocus loch naiss ocus maged ria sliab nimme ocus mo chul re sliaph
[6] tainge fo bhun chruind croithe ifert cruind mesé. imblenai guirt cruthnechta.
[7] NIrbadhaig indris arababánbíd. Atraigim iarum imochæ laithe
[8] iarnabaruch & tegim co topar nuscai robæ imfarrud & indlaim
[9] mo lamæ ocus slemnaigim moputraill & tegim co topur treman
[10] tæ ro boi din leth aili & ibim mo deich ferlommandæ .x.et ass
[11] arna rolad inchonair form chridhe & tegim icend tsetæ & imtectæ
[12] connaccæ immaghaid .i. beccnag blaith belaithe ingen mbetain
[13] mbrasslongtig senmathar thuat mbidh conagerran geir
[14] gereadh foithe conada meallshuil moethla inacinn cona srian
[15] .uíí.airdech do saland agfind fris conabrotraigh bosaille immpe
[16] cona cris diucraibh firéisc ma tóeb. cona copchaille gaille fo
[17] cend cona bascmell fo brágait forsa rabatar .uíí. mill
[18] & .uíí.xx.et mell do smeruib mucc mugdornd. Ferais falte
[19] frim indrigan & iarfaigis scelæ dim & cie leth boi mo
[20] shet dichum in disirtaigh ol sme frie. Ni cien óait olsi
[21] Acht is cumma duit gan guth ardnoebela di denamh
[22] co fessera riagail na sruithe filet isin recles. IS and bæ ind recless
[23] isinglind itir slieb nimme & loch nais hi crich hua mochlongte
[24] IS amlaid ro bæ ind recless conacethri timchoartaibh do sonduchsen
[25] shaille imme cen reincc cen tuind. conablonaic tuirc taisceltu
[26] imullach cech suinn. conaimdorus caisiconacomlu grotha bricnoi. Cona
[27] chulaighe imme. conasabtaib blonge. conagentibh gered. cona sem
[28] tille maroce. conadrolom ime. Benaimsiu indrolom imme frisin
[29] comlaidh ngrotha cotancator na da doirseoir imach .i. fast
[30] aibh mac ui longthi occus mullba mac lonlongen cona ceo uscaide dibh
(p. 738)
[1] IS he greim roghabsat nageimniud geriud darna saptaibh
[2] bloinci conab areicin doibh indoslagad din tsemtille maroci
[3] Araide tra elaimsi itir cleith occus ursaind. conacu incleriuch icbein
[4] ind cluic metlu for induar alaig imbi .UII. meda deg di shalonn
[5] sacsanach ina noenclo glegel basi tengu ind cluic ocus conaca
[6] incloch drochdrochat otigh cech clerig dib dia cheile IS e
[7] cloch drochat boi annside .i. condriced gach bairgen brechtan
[8] cruthnechta ria ceile ierna nesrad de blathsalonn ocus dimil &
[9] conacæ indeglais claraid .i. clair daislib sentorc .uíí. mbliadan
[10] basiat cappair na hegailsi. conasailgib sencaisi. Conaslinnib
[11] gered. conabendcopraib blonce Conaaltoir ithu ina airthir. Con
[12] acu inprimcleriuch .i. inprimfaith ictiechtain asintoig ar
[13] dorus nahecailsi. conachoraind .UÍÍ. mescan find .xx.et icleti achind. cona
[14] .uii. nimairib .x. do borraig firlosæ imullach acoirne. Annisbert fris
[15] Bennach dun aclerig acli cloth co comge. mac milbuilci mela meic smeru
[16] meicblonce ∞ ∞ ∞ blaithe meic blaithchi meic brechtain
[17] Meic buadren meic brothcan. meic borrtoraid breacbain. meic borrcrote
[18] Meic beoire buaidh mbainde. meic brocoiti binde meic caindinde
[19] caime. meic saille meic imme ∞ ∞ meic toraid. meic olair meic inmair
[20] Meic indrechtain lanmeith. meic lemnachta imglain. meic mesæ
[21] Meic ithu meic arond meic clethe meic gualand meic lonlongen lan
[22] te meic large meic luabann ∞ ∞ ∞ meic droma meic tarræ
[23] Meic lesi meic lethcind meic longæ brond balla. meic mire meic lomæ
[24] Meic tremanta thana meic tainge cen tæthad meic eisc inbir
[25] indsein meic millsein meic moethal. Meic meda meic fina meic
[26] carna meic corma meic cruitnechta rigne meic inbe meic onba
[27] Meic findlitengile. dass chairech co nglaine meic scablin bhuicbladh
[28] mair. gona agabraib gaile ∞ ∞ cona choeraib corcra
[29] Meic grutraighi gairge meic garbarain chorca meic craebacan cræbaig
[30] Meic barr braissce bithe meic blogan buicc banglain meic cno
[31] messa cnamfhéil meic abeil meic adhaimh
(p. 739)
[1] Maith do duthaig deg bidh as milis roteigaidh. acheim fossudh
[2] fostán allus trosdain bennaig. BENNACH. ISamlaidh
[3] tainic immach incleriach for capall senshaille cona crudaibh
[4] cerrboccan cona moing murrathu cona erpall ierslesa. No
[5] lionfaithis .uii. nairmedæ ard cathrach dairnib cumrai dond
[6] corca aipchi acailech asronæ. Srogell illaim inclerich for
[7] sa rabatar uii nindrechtain & .uii.xxet. IN trath no druidedh
[8] frisin capall nomaided bainde dar cend gach indrechtan
[9] imbiad saith sagairt on trath coraile re haran. INtan
[10] nobuailed co tren incapall nomaided caisi & tor ime re gach
[11] mbuille trie na iercomla síer amlaid dono roboe incleirech
[12] conabrothraig bosaille ime. conachasair craibheachain. conaleni
[13] blaith blonce. Conachris diuchraibh fo taobh conamoing glegil croithi
[14] mo acenn. Conasroin mela digres ictinsaitin dara beola slemain
[15] senshaille sís Conamenestir mæth metla daraucht. Cona cristaill do
[16] maroícc dondbruithe foua Conabachaill buicbruithe bunruisi
[17] nalaimh. IN tan nó druted frilar inbacholl nomaidhis .uii. srebæ
[18] triana corr nó meilfedh muilenn ontrath co arailiu for cech sreibh
[19] dibh ocus ba do beoil uile inisin. Conatriubhus do biud scabail fo
[20] cossaibh. Cona assaibh ierslesai hiraibe tainbó cuailgne ocus p
[21] ruigen daderg isin asa roboi fo cois deis. tochmarc etaine ocus
[22] tochmarc emere isin asa ro boi fo acois cli. Amic lanlegind int
[23] egna occus in moreolus mor for uball abragat ocus for rind a
[24] tengad. Aroit lem acleirich ar meisi fris conadandsin isbertsom
[25] for foesom ndegbid duit atruaig arse for enech ndeglomæ for
[26] snadad sensaille. Canustice atruaigh olse. Ticim adegduine
[27] acein domic arin ngalor nantaigtech fil imcomaitecht. Cia
[28] galor on arinfathlieig ni ansa ónor mac conglinne. inginach cona fod
[29] laibh .i. róita oil olar inmar caithim ro caithim congere
[30] con colongad capaill. Athruaig olinfaitliaig ni mo intaithsin
[31] indas intsaith do meled mac mis isindailen so ocus fo gebad
(p. 740)
[1] sund combad crin. isbeg do toisc ré ditughad mbid IS
[2] lecad chon re fied duit. IS srathor for serrach. IS sab for sinn
[3] ach IS cuad do bæsach. IS gairm fri fasguth. IS poc do
[4] crith cenn IS luindig dobodur IS run re mnai ndruith
[5] netaidh IS bos fri sribaill. IS marcach for sengan. IS soiget
[6] icorthi IS dorn im dieidh IS gat imgainim IS bualad sencloc
[7] ne IS buain meala amecnaib iubair IS tiradh inath diebuil
[8] IS ierraid ime illige con. ISierraid olla for gabar IS ecor tege
[9] tolland. Athruaigh amic conglinne tiachtain do dithugad duit
[10] si biid indailensi. Ro ied gortu dichoelana. Acht do bersa
[11] cumgaisiu duit ma airige nach treblait itcomaitecht
[12] Cia cumgaisí onor mac conglinne. ni ansa. bi intocht cenbied bail
[13] imbiæ. Eirigh re muchæ laithi arnamarach. Ataider
[14] tene duit dofoloman crin lasamhain di chrund gescach forsa
[15] cacait serreg imullach erslebe. Coraighter etgad don leith
[16] atuaid dintenid. Tabrad ben dien detgel desgel masbruind
[17] ech coemcolpthach dit di tri nói mirend do biud somilis so
[18] blasdu basmeit oghrerchirci cach mír dib. Tabrat di
[19] tri nói lomand gachoen miri. IN galar notgeba de cenmo
[20] tha inbuarainn is misi noticfæ. Cia do comainmsi armac conglinne.
[21] ni ansa arinfaithlieig. Cruitnechtan mac lemachtáin meic saille
[22] slemne sughmaire mo chomainmsi fadein. brechtan fo mil
[23] ainm indfir bis fom teigh ∞ ∞ ∞ fris tibim gen dar braiscebarr
[24] Iarslis caeirech comainm mo chon cadla band. blonacc moben
[25] Olar nolar comainm inalta momnai. re matne moch forloch
[26] lemnachtæ romla ∞ ∞ ∞ ∞ dar brat nithanoll
[27] Millsen mingen imteit ninber gile glonn. bosall mo mac taithnidh
[28] Ugadart mogilla glomar blad cen tuir. dagai chruithnechta
[29] nadeslaim leis diernguin ∞ ∞ ∞ ∞ inbe na teit cru. Cruthnechtan.
[30] Etgud cræibechan immum fadein incechdu. blonacc tinbe occus
[31] Gabais apaiter lem in cleirech. occus do ber soscela fomchenn is
(p. 741)
[1] IS se soscela boi annside .i. soiscela do gualloind aisle shenshaille cen
[2] reing cen toinn imbe conacristall do dondmaroicc bruithi
[3] foa cona airdblonce fair et dixit
[4] For foesamh duit nasaille sleimne sugmaire. for foesam
[5] duit na croithe cruaidhe culbuide. for foesam doit
[6] inaighnen diambiadtar noedenan. for foesam duit nablon
[7] ce more moltraide. forfaoesamh duit nasaille tenne truime
[8] torcraide. IN ri ro benndach fein na tortea sea dotanaccal
[9] argach ngabadhan. fora foesam doit. for asnadadan. for.
[10] Attraigimseom annside cotosecha tuath mbidh .i. colamar
[11] cach co turaran. co hetan mbriste co brechtan. cosuana
[12] nadibe co coelana inbe. cohairigthe taige righ. comucca
[13] ura. coluna messe cocairib teo. cohencroithe. co salunn
[14] cocimmid cargais cogruitin. comian ban noentuma. colemnacht
[15] comian sentuinte coblonaicc. Cotechdalatraigh colitin
[16] cosimbas lethan mbuicc mbelaidhe. co derfiar nasacart
[17] cosinmbraisig coretlannaib tige rig. cohugib cercc. co
[18] breithanucht. co hetne. co himluad noenaig cohublaibh
[19] cumra. cohoenach craois. co hugadart. co briscen righ
[20] næ cocerrboccan. co dig suain comidh occus gruit. cotrem
[21] anta treisc. cohamaisc. collongad righ. co boshaill. cosna
[22] ceitri suile finda .xx. firena icotfirfedadh. cohenbruithe.
[23] luss. gruth. biadhmuilt. biadh tuirc. mucur. reng thiug. reng
[24] tana. ass tiug. ass tana. INtass fo loing asluccad choc
[25] nomh forareith cuil ciar cetarcosach. dogni sraind meigil
[26] indreithe frangcaig icdul dar dobragait. conapra inbolcc
[27] um toisiuch risin mbolccum ndeginach sluccud lucadh
[28] tair riuin remaind ricub regat. dar inpolairi saille & dar
[29] inminestir mblonce ro boi dar ucht incleirich sund. Cia
[30] beose insin nibiusa sund. (ciathisiu anuas regatsa suas)
[31] arinbolccam toisiuch frisin mbolcaim ndedenach. Isiatsin
[32] tra toisicch tuathmbid. Conit annsin ro chromasdair alaimh
(p. 742)
[1] cosna dabir bidh & dosbered co bel ind righ ocus duthraic
[2] edh aslucud etir chrand occus biad Corrucc fot alama
[3] uad corroling anlon craois assabragait corraba for in
[4] mbir mbiidh & corroling don bir corro gab immbragait
[5] gilla intsacairt corcaige ro boi concoire for lar in
[6] taige & roling abragait ingilla for inmbior cetnae
[7] Laid mac conglinne inn mbior inssin grisaigh & laid core ind rigt
[8] aige corraba for in mbir mbíid. Rucad indrig inair
[9] ecal codultæ & rofolmaiged intech mor & ro loiscead
[10] iarna folmugud & ro leicc indeman teora grecha ass
[11] Atracht inri iarna mairech & ni ba moamh asaith indass saith
[12] micmíos. Nach buide lat adeg duine or mac conglinne roticc
[13] fasa onginaigh. Nach buide latsa or catol gan do crochadh
[14] indiu damsa. Ocus ingreim ro gabais damsa .i. tinme mo
[15] cotæ rotbia digres occus rotbia merrad & fail mo lama
[16] occus etcud mo taoibh & fiach cet dicrud. Maith achathail
[17] ol mainqin inamlaidh sin bere uaimsi infer ro áir indeglais
[18] NIba hamlaid or mac conglinne acht do bertor na brethain sis & tabair si
[19] gell cet illaimh cathail occus do bersa cet aile occus abrait na
[20] brethemain (corro dlig mac con) cia huain dligius aenecland.
[21] ISbertotor na bretemain corro dlig mac conglinne adire occcus a
[22] enecland. Ar ni derna áir acht araid ni isadh corcu cor
[23] caige. NI chuingimsi mo dire no menecland ar mac conglinne
[24] acht in cochall fil isin cill. rotfia combendachtain ol mainchin.
[25] die nepairt indrut occus amac & a ingen.
[26] Dolluid mancin monor gle dacra for mac conglinne isé mancin tarr
[27] as de. man cochall ro boí imme. cochall mancin cid maith se
[28] ní ró do mac conglinne ∞ ∞ atciu comblad. ciambad fiu tri .uíí.
[29] NI furail do comgan glan. cencubad uaind abunad. incochall
[30] cumal. cia nobeit fo dathaib bran. ocathal orig muman
[31] NI bad mor lem uaim ba dein. ciemad dor andorrumcheill & aicc ris
[32] dia reir maratberad tria glanqeill. uáir is cathal is slan cell
(p. 743)
[1] don tirus dilluid mancen. dolluid. Sic tra ro hicad cathal mac
[2] finnguine dinginaig occus ro hordned mac conglinne. FINIS.
© 2008 Thesaurus Linguae Hibernicae