Is foireann idirdhisciplíneach í foireann YEELP a bhfuil taighde ar bun acu sa Bhreatnais, sa Chatalóinis agus sa Ghaeilge.
Is Ollamh Comhlach mé i Scoil na Gaeilge, an Léinn Cheiltigh agus an Bhéaloidis. Tá spéis ar leith agam i Litríocht agus Cultúr na nÓg, i Litríocht na mBan agus in Athbheochan na Gaeilge. Is mise an príomhthaighdeoir ar an tionscadal taighde seo atá á mhaoiniú ag Comhairle Taighde na hEorpa.
Amharc ar an bPróifíl
Is mac léinn PhD mé i Scoil na Gaeilge, an Léinn Cheiltigh agus an Bhéaloidis. Táim ag obair ar ghné na Gaeilge den tionscadal seo, a dhíríonn ar Choláistí Samhraidh na Gaeilge, ar ról na ndaoine óga agus ar chruthú an chultúir náisiúnta Éireannaigh.
Is Taighdeoir Iardhochtúireachta mé, le saineolas sa Chatalóinis. Bhain mé PhD amach san Aistriúchán agus sna hEolaíochtaí Teanga ó Universitat Pompeu Fabra (Barcelona). Baineann mo chuid spéiseanna taighde le Léann an Aistriúcháin, Stílíocht, Sochtheangeolaíocht agus Teangeolaíocht Chorpais. I mo thráchtas, rinne mé iniúchadh ar léiriú agus ar aistriúchán na gcineálacha teanga labhartha i saothair ficsin le fócas ar theanga na hóige agus ar ról theanga na hóige i gcomhthéacs na Catalóinise. Is léachtóir díograiseach mé freisin agus tá cúrsaí Béarla agus ar an aistriúchán múinte agam in ollscoileanna éagsúla sa Chatalóin.
Is léachtóir le Breatnais mé i Scoil an Chultúir agus na Cumarsáide in Ollscoil Abertawe/Swansea. Táim ag obair ar ghné na Breatnaise sa tionscadal taighde. Ó chríochnaigh mé mo PhD ar dhrámaíocht chomhaimseartha na Breatnaise táim ag tógáil ar ghnéithe den tráchtas, cuir i gcás an staidéar comparáideach a rinne mé idir an drámadóir Breatnaise Aled Jones Williams agus an drámadóir Catalóinise Sergi Belbel. Tá mé ag cur freisin le mo chuid taighde ar an amharclannaíocht náisiúnta i náisiúin gan stáit.
Is cúntóir taighde mé agus táim ag obair ar ghné na litríochta Gaeilge sa tionscadal. Tá céim BA (onóracha) agus Ard-Dioplóma san Oideachas bainte amach agam i gColáiste na Tríonóide agus ghnóthaigh mé Ard-Dioplóma san Aistriúchán agus MA sa Ghaeilge in Ollscoil na hÉireann, Gaillimh. Tá tréimhsí caite agam ag múineadh in Ollscoil na hÉireann, Gaillimh agus i gColáiste Phádraig, Droim Conrach. Tá obair déanta agam le hIonad na Gaeilge Labhartha in Ollscoil Mhá Nuad freisin. Tá neart blianta caite agam i gColáiste Íosagáin agus roinnt téacslabhar agus ábhar teagaisc foilsithe agam le cuideachtaí éagsúla, EDCO, COGG agus SFGM ina measc.
D'oibrigh an Dr Fiona Ní Laitháin ar an tionscadal sa bhliain 2022 mar Chúntóir Taighde sa Ghaeilge.
D'oibrigh an Dr Riocárd Ó hOddail ar an tionscadal go dtí 2023 mar Thaighdeoir Iardhochtúireachta sa Chatalóinis
