Alithre idan inmain

Author: unknown

Editor: Kuno Meyer

An electronic edition

p. 321.

(MS fol. 22a1)

1. Alithre idan inmain,     trāethad cinadh, corp genmnaid,
betha bocht dereōil derrit      ticc co menicc fo menmain.

2. Ma coir cid dia fuirgem      ascnam don flaith lōr labram,
āinem, cāinem ar c[h]ena,      ar ngnīma mera marbam

3. Mithig dam Dia do guidhi,      betha crīche cen chlæine,
cennsa & cuibde is cōire,      gart, ōige, umla, áine.

4. Adram, āilem Righ nimhe,      dālem do Dia an bith buide,
feram cath cabsaid calma      dar cenēl ar n-anma uile.

5. Ō bam can meba[i]l maitir      inar trebaib co tāintib
gabam ar ferge fīrbruth,      tabram dilgud diar nāimdibh.

6. Crābud is maith an monur,      beith a mbochta, ní mebol,
crāibdech forusda feidil,      cath dūr demin fri deman.

7. Dēnum an maith nodmolam,      ērgem don fhlaith nodlenam,
ūain uile ar cīosa cuirem,      guidem Īosa nodlegam.
Ailithre.

Close this window